باتىس قازاقستان وبلىسىندا ايماق بويىنشا ەكونوميكالىق تەرگەۋ دەپارتامەنتى تەرگەۋ ءبولىمىنىڭ اعا تەرگەۋشىسى ۇستالدى. سونىمەن قاتار, تجد جەدەل باسقارماسى جەدەل ۋاكىلىنە قاتىستى دا تەرگەۋ امالدارى باستالعان.
"2020 جىلدىڭ 1 قازانىندا باسقا ورگاننىڭ وندىرىسىندە قارالىپ جاتقان قىلمىستىق ءىستى توقتاتۋعا كومەكتەسۋ دەگەن سىلتاۋمەن ازاماتتىڭ الداۋ جانە سەنىمىنە قيانات جاساۋ ارقىلى ولار بەس ميلليون تەڭگە كولەمىندە قاراجات يەمدەندى. بقو بويىنشا جسق قىزمەتكەرلەرى قر قىلمىستىق ءىس جۇرگىزۋ كودەكسىنىڭ 128-بابىنا سايكەس ۇستالىپ, ۋاقىتشا ۇستاۋ يزولياتورىنا ورنالاستىرىلدى", دەلىنگەن سىبايلاس جەمقورلىققا قارسى قىزمەتتىڭ حابارلاماسىندا.
سونداي-اق, سىبايلاس جەمقورلىققا قارسى قىزمەتتىڭ قىزمەتكەرلەرى الماتى قالالىق پوليتسيا دەپارتامەنتىنىڭ مەدەۋ اپب تەرگەۋشىسى پارا الدى دەگەن كۇدىككە ىلىنگەنىن دە اتاپ ءوتتى.
"ول الداۋ جانە سەنىپ تاپسىرىلعان بوتەننىڭ مۇلكىن ۇرلاۋ فاكتىسى بويىنشا قىلمىستىق ءىستى توقتاتۋ ءۇشىن كومپانيا ديرەكتورىنان الدىن الا كەلىسىلگەن 30 000 دوللاردىڭ 26 800 دوللارى كولەمىندە پارا الدى دەپ كۇدىكتەلۋدە", دەيدى سىبايلاس جەمقورلىققا قارسى كۇرەسۋشىلەر.
