"اگەنتتىك جەڭىل رەلستى جوبانى ىسكە اسىرۋ كەزىندە 5,8 ميلليارد تەڭگەنى ۇرلاۋ فاكتىسى بويىنشا ەلوردا اكىمدىگىنىڭ, "استانا LRT" جشس-ءنىڭ لاۋازىمدى تۇلعالارىنا قاتىستى قىلمىستىق ءىستى اياقتاپ, سوتقا جىبەردى. جەتى ادام سوتقا تارتىلدى", دەيدى بيعايداروۆ.
ول كىنالىلەردىڭ جازاسى تۋرالى سوڭعى شەشىمدى سوت انىقتايتىنىن اتاپ ءوتتى. ايتا كەتەرلىگى, تەرگەۋ مۇددەلەرىنە قاتىستى باسقا اقپارات جاريا ەتىلمەدى.
بۇعان دەيىن سىبايلاس جەمقورلىققا قارسى قىزمەت LRT-ءنىڭ ءبىرىنشى كەزەڭىن سالۋ كەزىندە اقشا جىمقىرۋ فاكتىسى بويىنشا قىلمىستىق ءىستى تەرگەۋ اياقتالعانىن دا حابارلاعان. تەرگەۋ بارىسىندا ميللياردتاعان دوللار جىمقىرۋ سحەمالارى انىقتالعان ەدى. قۇزىرلى ورگانداردىڭ مالىمەتىنشە اتالمىش ىسكە ەلوردا اكىمدىگى, "استانا LRT" كومپانياسىنىڭ شەنەۋنىكتەرى جانە جەكە كومپانيالاردىڭ ديرەكتورلارىنىڭ قاتىسى بار بولىپ شىققان بولاتىن.
ىزدەۋدەگىلەر تىزىمىنە ەلوردا اكىمىنىڭ بۇرىنعى ورىنباسارى قانات سۇلتانبەكوۆ, "استانا LRT" كومپانياسىنىڭ بۇرىنعى باسشىسى تالعات اردان جانە مەردىگەرلىك ۇيىم جەتەكشىلەرىنىڭ ءبىرى ابدۋحاميتوۆ ەنگىزىلدى.
ال وسىعان دەيىن قالالىق ءماسليحات حاتشىسى جانات نۇرپەيىسوۆتىڭ قاماۋعا الىنعانى تۋرالى حابارلانعان.
ەسكە سالايىق, تەرگەۋ مالىمەتتەرى بويىنشا قىلمىستىق سحەمانى استانا قالاسى اكىمىنىڭ ورىنباسارى سۇلتانبەكوۆ پەن "استانا LRT" كومپانياسىنىڭ باسشىسى اردان شەتەلدىك جانە قازاقستاندىق كومپانيالاردىڭ قاتىسۋىمەن ۇيىمداستىرعان.
