فورۋم قازاقستان, قىرعىزستان, تاجىكستان جانە وزبەكستان ەلدەرى ۇيىمدارىنىڭ ايتۆ-احۋالدى ادامدار قوعامداستىعىنىڭ وكىلدەرى ءۇشىن USAID «ايتۆ-مەن ءومىر سۇرەتىن ادامداردىڭ كوشباسشىسى» جوباسى اياسىندا دەنساۋلىق ساقتاۋ مينيسترلىكتەرى, رەسپۋبليكالىق جيتس ورتالىقتارى, اقش حالىقارالىق دامۋ اگەنتتىگى, UNAIDS, PSI, AFIW جانە باسقا دا حالىقارالىق ۇيىمدار قاتىسۋىمەن ءوتتى.
ءىس-شارا ورتالىق ازيا ءوڭىرىنىڭ قاۋىمداستىعى مەن ۇلتتىق ۇيىمدارىنىڭ ۇيىمداستىرۋشىلىق, جۇمىلدىرۋ جانە تەحنيكالىق الەۋەتىن ارتتىرۋ ماقساتىندا وتكىزىلدى. قاتىسۋشىلار ايتۆ جۇقتىرعاندارعا قاتىستى ستيگما مەن كەمسىتۋشىلىكتى تومەندەتۋ بويىنشا وزەكتى تاسىلدەردى ەنگىزۋ, COVID-19 پاندەمياسى جاعدايىندا مەديتسينالىق قىزمەتتەردىڭ قولجەتىمدىلىگى مەن ساپاسىن جاقسارتۋ بويىنشا نەعۇرلىم ورىندى جانە ءساتتى باعدارلامالاردى ادۆوكاتتاندىرۋ, سەرىكتەستىك پەن ىنتىماقتاستىق مەحانيزمدەرىن كۇشەيتۋ تاجىريبەسى, سونداي-اق «ن=H: انىقتالماعان, دەمەك – بەرىلمەيدى» كامپانياسىن قولداۋ تاقىرىپتارىن تالقىلادى.
- فورۋم ايتۆ-مەن ءومىر سۇرەتىن ادامدارعا قىزمەت كورسەتەتىن ۇيىمداردىڭ بىرلەسكەن ءىس-ارەكەتتەرىن تالقىلاۋدىڭ بەلسەندى پلاتفورماسىنا اينالدى, سونىمەن قاتار قوعامداستىق كومەگىمەن قىزمەتتەردىڭ قولجەتىمدىلىگى مەن ساپاسى مونيتورينگىنىڭ ناتيجەلەرى تالقىلاندى, نەگىزگى فاندرايزينگ اسپەكتىلەرىن انىقتاۋ بويىنشا بىرىڭعاي پوزيتسيا جاساپ شىعارىلدى, – دەدى ايتۆ-مەن ءومىر سۇرەتىن ادامداردىڭ ورتالىق ازيا قاۋىمداستىعىنىڭ پرەزيدەنتى ءنۇرالي امانجولوۆ.
فورۋم جۇمىسىنىڭ قورىتىندىسى بويىنشا ايتۆ ينفەكتسياسىن ەمدەۋگە جانە الدىن الۋعا قول جەتكىزۋ ماسەلەلەرىن شەشۋگە باعىتتالعان ماقساتتار كومەگىمەن بارلىق ەلدەردى ەپيدەميانى جويۋعا قول جەتكىزۋگە شاقىراتىن UNAIDS «95ح95ح95» ستراتەگياسىنىڭ نەگىزگى باعىتتارىن كورسەتەتىن قارار قابىلداندى. «95ح95ح95» باعدارلاماسى ايتۆ-مەن ءومىر سۇرەتىن ادامداردىڭ 95 %-نا ءوز ايتۆ ستاتۋسىن بىلۋگە, ءوز ستاتۋسىن بىلەتىن ادامداردىڭ 95 %-نا ايتۆ ينفەكتسياسىنان ەمدەلۋگە قول جەتكىزۋگە جانە ايتۆ ينفەكتسياسىنان ەمدەلىپ جاتقان ادامداردىڭ 95 %-نا ۆيرۋستى باسۋعا مۇمكىندىك بەرەدى.
