سەرۆيستە قۇجاتتاردى قاشىقتان تەكسەرۋ, كاسىپكەردى سايكەستەندىرۋ, تىركەۋدى راستاۋ بويىنشا بىرقاتار زاماناۋي تەحنيكالىق شەشىمدەر بار. جوبا اياسىندا تسيفرلىق دامۋ مينيسترلىگىنىڭ, Kaspi.kz, مەملەكەتتىك كىرىستەر كوميتەتىنىڭ جانە "ە-ليتسەنزيالاۋ" مەملەكەتتىك مالىمەتتەر بازاسىنىڭ اقپاراتتىق جۇيەلەرى بىرىكتىرىلدى.
"مەملەكەتتىك قىزمەتتەردى بيزنەس ارقىلى ۇسىنۋ يدەياسى مينيسترلىكتىڭ كومانداسىنا تيەسىلى. سودان كەيىن - "ۇات" اق مەن Kaspi.kz-ءتىڭ ۇيلەستىرىلگەن جۇمىسى. بۇل ەل ءۇشىن تاريحي ءسات - نەعۇرلىم تانىمال قىزمەتتەر بويىنشا مەملەكەتتىك قىزمەتتەر كورسەتۋ. ءبىز بيزنەسپەن بەلسەندى تۇردە جۇمىس ىستەيتىن بولامىز, ويتكەنى حالىققا قىزمەتتەردى تاڭداۋ مۇمكىندىگى بولۋى كەرەك", دەدى باعدات مۋسين, قازاقستان رەسپۋبليكاسىنىڭ تسيفرلىق دامۋ, يننوۆاتسيا جانە اەروعارىش ونەركاسىبى ءمينيسترى.
ءمينيستردىڭ ايتۋىنشا, مۇنداي ءوزارا ءىس-قيمىل ونسىز دا ەسكىرگەن ەلەكتروندى ۇكىمەت سايتى اۋىرتپالىعىن ەداۋىر ازايتادى جانە مەملەكەتتىك قىزمەتتەر كورسەتۋدىڭ جاڭا مۇمكىندىكتەرىن تۋدىرادى. جەكە كاسىپكەردى تىركەۋ - بۇل ۇلكەن جوسپارلاردى جۇزەگە اسىرۋدىڭ العاشقى قادامى جانە باستاماسى. ەندى قازاقستاندىقتار مەملەكەتتىك قىزمەتتەردى وزىنە ۇنايتىن جەردە الا الادى. جەكە كاسىپكەردى تىركەۋ ءۇشىن ەندى وسى قىزمەتتى Kaspi.kz قوسىمشاسىنان تاڭداپ, ساۋالنامانى تولتىرىپ, Kaspi ەسق كومەگىمەن قول قويۋ جەتكىلىكتى, دەپ اتاپ ءوتتى مينيسترلىكتىڭ ءباسپاسوز قىزمەتى.
