اگەنتتىك شاعىمداردىڭ كوپ بولىگى مەملەكەتتىك قىزمەتشىلەردىڭ قىزمەتتىك مىندەتتەرىن تيىسىنشە ورىنداماۋى تۋرالى كەلىپ تۇسەتىندىگىن ناقتىلادى.
سونىمەن قاتار, وتىنىشتەردى قاراۋ ءتارتىبى جانە بوس مەملەكەتتىك لاۋازىمدارعا ورنالاسۋعا كونكۋرس وتكىزۋ ەرەجەلەرىن بۇزۋ تۋرالى شاعىمدار بار.
بۇل تىزىمگە كاسىبي ەتيكا نورمالارىن بۇزۋ دا ەنگىزىلگەن. دورەكى ارەكەتتەرى ءۇشىن لاۋازىمدى ادامدار تارتىپتىك جازاعا تارتىلادى.
"جوعارىدا اتالعان كوميسسيا وتىرىسىنىڭ ناتيجەلەرى بويىنشا مەملەكەتتىك قىزمەتشىلەر - قۇقىق بۇزۋشىلىقتىڭ اۋىرلىعىنا بايلانىستى - سوگىس, قاتاڭ سوگىس, تولىق ەمەس قىزمەتتىك سايكەستىك تۋرالى ەسكەرتۋ, قىزمەتىنەن بوساتۋ تۋرالى جازا تاعايىنداۋعا بولادى", دەپ حابارلادى ۆەدومستۆو.
وتكەن جىلى قازاقستاندىق مەملەكەتتىك قىزمەتكەرلەرگە قاتىستى 6 931 شاعىم تۇسكەن.
ەستەرىڭىزگە سالا كەتەيىك, بۇعان دەيىن الەۋمەتتىك جەلىلەردە شەنەۋنىك قاسكەلەڭ قالاسىنىڭ تۇرعىندارىمەن دورەكى سويلەسىپ, تەمەكى تۇقىلىن جەرگە لاقتىرعانى تۋرالى ۆيدەو تاراعان بولاتىن. كەيىن اكىمدىك قىزمەتكەرىنە ايىپپۇل سالىنىپ, ونى جازالايمىن دەپ ۋادە بەردى.
سونداي-اق, ءوزىنىڭ العاشقى جۇمىس كۇنىندە الماتى وبلىسىنىڭ باس مەملەكەتتىك سانيتارلىق دارىگەرى ەرعالي سىدىمانوۆ تالدىقورعان تۇرعىندارىنىڭ اشۋىن كەلتىردى. قالا تۇرعىندارى ونىڭ مەنسىنبەيتىن قىلىقتارىنا شاعىمداندى. جانجالدان كەيىن شەنەۋنىك حالىقتان كەشىرىم سۇرادى.
