وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتى بويىنشا تالدىقورعان قالاسىنىڭ جىلۋ جۇيەلەرى مەن جەلىلەرى جىلىتۋ ماۋسىمىنا 100 % دايىن.
ءوڭىر باسشىسىنىڭ تاپسىرماسىنا سايكەس جىلۋ ءبىرىنشى كەزەكتە الەۋمەتتىك نىساندارعا بەرىلەدى. بالاباقشالار, مەكتەپتەر مەن دەنساۋلىق ساقتاۋ مەكەمەلەرىنە جىلۋ 30 قىركۇيەكتەن باستاپ بەرىلە باستادى. بۇگىن وسى اتالعان جۇمىستار تولىعىمەن اياقتالۋى ءتيىس. ال تۇرعىن ۇيلەرگە جىلۋ ەرتەڭنەن باستاپ بەرىلە باستايدى.
جالپى تالدىقورعاندا ورتالىق جىلىتۋ جۇيەسىنە قوسىلعان 82 بيۋدجەتتىك مەكەمە مەن 753 كوپقاباتتى تۇرعىن ءۇي بار. وبلىس بويىنشا بيىلعى جىلىتۋ ماۋسىمىنا دايىندىق جۇمىستارىنا بيۋدجەتتەن 15,9 ملرد تەڭگە قاراستىرىلعان.
ايتا كەتەيىك, الماتى وبلىسىندا جىلىتۋ ماۋسىمى جىل سايىن 15 قازاننان باستالاتىن.
