"ول ادامداردى ءۇيدى نەمەسە كولىكتى ءتيىمدى تۇردە نارىقتىق باعادان ەداۋىر تومەن باعامەن ساتىپ الۋعا بولاتىندىعىنا سەندىرگەن. ارينە, بۇل ءۇشىن قاراجات قاجەت بولادى. كەيبىر الەۋەتتى كليەنتتەر بىردەن بىرنەشە وبەكتىلەردى الۋعا ۇمىتتەنىپ, اقشا بەرگەن. مىسالى, جابىرلەنۋشىلەردىڭ ءبىرى وعان 182 ميلليون تەڭگە, تاعى ءبىر اڭعال ازامات 386 مىڭ اقش دوللارىن تاپسىرعان", دەدى الماتى قالالىق قىلمىستىق پوليتسيا دەپارتامەنتىنىڭ باستىعى ەركىن ىڭكاروۆ.
دەپارتامەنت باستىعى ەر ادامنىڭ جابىرلەنۋشىلەر الدىندا ەشقانداي مىندەتتەمەلەردى ورىنداماعانىن جانە ويلاعان جوق دەپ اتاپ ءوتتى. كۇدىكتى وزىنە ەكى پاتەر, اۆتوكولىك ساتىپ الىپ, شەتەلگە ۇشىپ كەتىپتى.
"قازىرگى ۋاقىتتا كۇدىكتى ۇستالىپ, الماتى قالالىق دپ ۋاقىتشا ۇستاۋ يزولياتورىنا قامالدى. ول قازاقستان قىلمىستىق كودەكسىنىڭ 190-بابىنىڭ 4-بولىگى - ءىرى كولەمدەگى الاياقتىق بويىنشا كۇدىكتى بولىپ وتىر", دەپ قوستى پولكوۆنيك ىڭكاروۆ.
بۇگىندە كەلتىرىلگەن ماتەريالدىق شىعىن مولشەرى شامامەن ميلليون دوللارعا جۋىق.
"وسى ادامنىڭ قىلمىستىق ءىس-ارەكەتتەرىنەن زارداپ شەككەن ازاماتتاردان 8-701-666-69-54, 8-707-834-83-33 نەمەسە 102 تەلەفوندارى ارقىلى بايلانىسۋدى سۇرايمىز", دەلىنگەن حابارلامادا.
