ايماقتار • 01 قازان، 2020

گۇلشارا ابدىقالىقوۆا "قازاقستان حالىق بانكى" اق باسقارما توراعاسىنىڭ ورىنباسارىمەن كەزدەستى

19 رەت كورسەتىلدى

بۇگىن وبلىس اكىمى گۇلشارا ابدىقالىقوۆا "قازاقستان حالىق بانكى" اق باسقارما توراعاسىنىڭ ورىنباسارى داۋرەن سارتاەۆپەن كەزدەستى، دەپ حابارلايدى Egemen.kz.

"مەملەكەت باسشىسىنىڭ جولداۋىنان ۇكىمەت پەن اكىمدەر ءۇشىن تۋىندايتىن مىندەتتەردىڭ ءبىرى - وتاندىق جانە شەتەلدىك ينۆەستيتسيالاردى تارتۋ بولىپ تابىلاتىنى بەلگىلى. وسىعان بايلانىستى، رەسپۋبليكا بويىنشا ءجوو قۇرىلىمىنداعى ينۆەستيتسيالار ۇلەسىن 2024 جىلعا قاراي 30% - عا دەيىن ارتتىرۋ مىندەتى قويىلدى. بيىل بىزگە 230 ملرد، كەلەسى جىلى 586 ملرد تەڭگە ينۆەستيتسيا تارتۋ قاجەت. وسى مىندەتتى ورىنداۋ ماقساتىندا ءبىز ينۆەستيتسيانىڭ جاڭا تولقىنىن تارتۋ بويىنشا جۇمىس جۇرگىزىپ جاتىرمىز. سونداي-اق شاعىن جانە ورتا بيزنەستى بەلسەندى دامىتۋ مىندەتى تۇر. وسىعان بايلانىستى سىزدەردىڭ دە قولداۋلارىڭىز قاجەت"، - دەدى وبلىس اكىمى گۇلشارا ابدىقالىقوۆا.

كەزدەسۋدە بىرقاتار ماسەلەلەر كوتەرىلدى. اتاپ ايتقاندا، بيزنەستى جانە ستارتاپ جوبالاردى قارجىلاندىرۋ، كاسىپكەرلەردىڭ وتىنىمدەرىن ۇزاق مەرزىم قاراۋ، جەرگىلىكتى دەڭگەيدە بيزنەس ءۇشىن بەلگىلەنگەن كرەديت ليميتتەر جانە مەملەكەت باسشىسىنىڭ جەكە تۇلعالار مەن شوب سۋبەكتىلەرى ءۇشىن كرەديتتەر بويىنشا مەرزىمىن ۇزارتۋدى ۇسىنۋ جونىندەگى تاپسىرماسىن ىسكە اسىرۋ ماسەلەلەرى تالقىلاندى.

داۋرەن سارتاەۆ ءوز كەزەگىندە "قازاقستان حالىق بانكى" اق تاراپىنان وڭىرلىك شاعىن جانە ورتا بيزنەستى قولداۋ بويىنشا بارلىق مۇمكىندىكتەر قاراستىرىلاتىنىن اتاپ ءوتتى.

ايتا كەتۋ كەرەك، وبلىستا 2023 جىلعا دەيىنگى ەكونوميكالىق دامۋ جوسپارى قابىلداندى، وندا ەكونوميكانىڭ ءتۇرلى سالالارىندا جالپى سوماسى 271 ملرد  تەڭگەگە 265 جوبانى ىسكە اسىرۋ قاراستىرىلعان. ونىڭ ىشىندە، بيىل قۇنى 26 ملرد تەڭگە بولاتىن 108 جوبانى ىسكە قوسۋ جوسپارلانعان. قازىرگى ۋاقىتتا قۇنى 4،7 ملرد تەڭگەلىك 58 جوبا پايدالانۋعا بەرىلدى.

سوڭعى جاڭالىقتار

يتاليادا توعىز جۇلدە الدىق

سپورت • بۇگىن، 10:10

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار