وسىمدىك شارۋاشىلىعى سالاسىندا كوكتەمگى ەگىس جانە ەگىن جيناۋ جۇمىستارىن قارجىلاندىرۋعا باعىتتالعان «ەگىنجاي» نەسيە باعدارلاماسىنىڭ بار ەكەنى بەلگىلى. مۇنى «قازاگرو» ۇلتتىق حولدينگىنىڭ ەنشىلەس كومپانياسى «اۋىل شارۋاشىلىعىن قولداۋ قورى» اق 2010 جىلدان باستاپ جۇزەگە اسىرىپ كەلەدى. اتالمىش نەسيە باعدارلاماسى ارقىلى شاعىن جەر تەلىمدەرى بار شارۋالار جىل سايىن نەسيە الىپ ءجۇر. بيىل دا «ەگىنجاي» نەسيەلەۋ جۇمىستارىن باستاپ كەتتى.
وسىمدىك شارۋاشىلىعى سالاسىندا كوكتەمگى ەگىس جانە ەگىن جيناۋ جۇمىستارىن قارجىلاندىرۋعا باعىتتالعان «ەگىنجاي» نەسيە باعدارلاماسىنىڭ بار ەكەنى بەلگىلى. مۇنى «قازاگرو» ۇلتتىق حولدينگىنىڭ ەنشىلەس كومپانياسى «اۋىل شارۋاشىلىعىن قولداۋ قورى» اق 2010 جىلدان باستاپ جۇزەگە اسىرىپ كەلەدى. اتالمىش نەسيە باعدارلاماسى ارقىلى شاعىن جەر تەلىمدەرى بار شارۋالار جىل سايىن نەسيە الىپ ءجۇر. بيىل دا «ەگىنجاي» نەسيەلەۋ جۇمىستارىن باستاپ كەتتى.
اۋىلشارۋاشىلىق ونىمدەرىنىڭ جوعارى تاۋەكەلىنە ءارى شارۋالاردىڭ الاتىن نەسيە كولەمىنىڭ ازدىعىنا بايلانىستى ەكىنشى دەڭگەيلى بانكتەردىڭ اۋىلداعى شاعىن كاسىپكەرلەردى نەسيەلەندىرۋدەن كوبىنە باس تارتاتىنى تۇسىنىكتى. مۇنداي جاعدايدا «ەگىنجاي» باعدارلاماسىنىڭ اۋىلداعى شاعىن كاسىپكەرلەر ءۇشىن ۇلكەن دەمەۋ ەكەنىن ايتىپ ءوتۋ كەرەك.
– جاڭا جىلدان باستاپ نەسيەلەۋ تالاپتارىنا وزگەرىستەر ەنگىزىلدى. نەسيەنىڭ سوماسى 2 ميلليون تەڭگەدەن 6 ميلليون تەڭگەگە دەيىن كوتەرىلىپ, سىياقى ۇستەمەسى 12-دەن 9,5 پايىزعا دەيىن ازايتىلدى. كەپىلدىك رەتىندە ەكىنشى دەڭگەيلى بانكتەردىڭ كەپىلدەمەلەرى, وسىمدىك ونىمدەرى, تەحنيكا, باسقا دا كەپىلدىڭ تۇرلەرى قولحات ارقىلى قابىلدانادى. نەسيە بەرۋ كەزەڭىندە كوميسسيا مەرزىمىنەن بۇرىن نەسيەنى وتەيتىندەردەن ايىپپۇل المايدى, – دەيدى «اۋىل شارۋاشىلىعىن قارجىلاي قولداۋ قورى» اق باسقارما توراعاسىنىڭ ورىنباسارى الماس تاۋباەۆ.
بۇل جولى دا قارىز الۋشىلارعا سالىق جانە بيۋدجەتكە تولەنەتىن باسقا مىندەتتى تولەمدەر بويىنشا, سونداي-اق, ەكىنشى دەڭگەيلى بانكتەر مەن باسقا دا قارجى ينستيتۋتتارى الدىندا مەرزىمى وتكەن بەرەشەگىنىڭ بولماۋى, جاعىمدى نەسيە تاريحى, 3 جىلدان ۇزاق ەمەس مەرزىمدەگى ەگىن ەگىلگەن جەرلەردىڭ ءارى قىزمەتتى اتقارۋدىڭ ناقتى ۋاقىتىنداعى ونىمدىلىك تۋرالى مالىمەت پەن ەگىن ەگەتىن جەرلەردىڭ بار ەكەنىن راستايتىن قۇجاتتىڭ بولۋى سىندى نەگىزگى تالاپتار قويىلىپ وتىر.
«ەگىنجاي» باعدارلاماسى بويىنشا نەسيەلەۋ تالاپتارىن ازىرلەۋ كەزىندە اۋىل شارۋاشىلىعىنىڭ ماۋسىمدىلىعى جانە قارىزدى جابۋ – ەكى استىقتى ساتۋدان كەيىن قاراستىرىلعان. بۇل اۋىل شارۋاشىلىعى تاۋارلارىن وندىرۋشىلەر ءۇشىن وتە ماڭىزدى بولىپ تابىلادى.
ءۇش جىلدىڭ ىشىندە «اۋىل شارۋاشىلىعىن قارجىلاي قولداۋ قورى» اق ءوز قارجىسىنان 1732,6 ملن. تەڭگەگە 774 جوبانى قارجىلاندىرعان. نەسيەنىڭ ارقاسىندا 419,6 مىڭ گەكتار جەرگە ەگىن ەگىلىپ, 1 227 ادام جۇمىسپەن قامتىلىپتى. «ەگىنجاي» نەسيەلەرىنىڭ ەڭ بەلسەندى تۇتىنۋشىلارى رەتىندە اقمولا, قوستاناي, سولتۇستىك قازاقستان وبلىستارىنىڭ تۇرعىندارىن اتاپ وتۋگە بولادى.
جالپى, بيىل كوكتەمگى ەگىس جۇمىستارىن قارجىلاندىرۋعا قور تاراپىنان 1,6 ملرد. تەڭگە جۇمسالماق. ونىڭ ىشىندە 1 ملرد. تەڭگە ماقتا وسىرۋمەن اينالىساتىن كاسىپكەرلەرگە بولىنەدى.
ەستەرىڭىزگە سالا كەتەيىك, ماقتا وسىرۋشىلەرگە بىلتىر «ىرىس» شاعىن نەسيە ۇيىمى ارقىلى نەسيە بەرىلگەن بولاتىن. «اۋىل شارۋاشىلىعىن قارجىلاي قولداۋ قورى» اق تاراپىنان «ىرىس» شنۇ-عا نەسيەلەۋ جەلىسى اشىلىپ, 349,3 ملن. تەڭگە كولەمىندە سەگىز ترانش اۋدارىلعان. بۇل بويىنشا 617 شاعىن كاسىپكەر نەسيە الىپ, كەستە بويىنشا قارىز تولىعىمەن قايتارىلعان.
بيىل اۋىلشارۋاشىلىق تاۋارىن وندىرۋشىلەر 13 ملن. تەڭگەگە دەيىن نەسيە الا الادى. نەسيە ماقتا وسىرۋشىلەرگە جىلدىق 8 پايىز سىياقىمەن 12 ايعا دەيىن بەرىلەدى.
شاعىن نەسيەلەر تۇپكى قارىز الۋشىلارعا جانار-جاعارماي, ءدان, پەستيتسيد, مينەرالدى تىڭايتقىش, شارۋاشىلىق ماتەريالدار مەن قۇرال-جابدىقتار, اۋىلشارۋاشىلىق تەحنيكاسىنىڭ قوسالقى بولشەكتەرى مەن جۇمىس مەحانيزمدەرىن ساتىپ الۋعا, تەحنيكا, قويمالاردى جالعا الۋ, قىزمەتتەرگە تولەۋ, ءونىمدى ساقتاۋ, ت.ب. ماقساتتارعا بەرىلەدى.
ايگۇل سەيىلوۆا,
«ەگەمەن قازاقستان».
