قازاقستان • 01 قازان، 2020

ءباا مەن تۇركياعا بارىپ كەلگەن قازاقستاندىقتار ستاتسيونارعا جاتقىزىلادى

20 رەت كورسەتىلدى

كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ 21 ەلدەن پتر تەستىلەۋ سەرتيفيكاتىنسىز كەلگەن قازاقستاندىقتار اۋرۋحانالاردا ەكى كۇن بويى وقشاۋلانادى دەپ مالىمدەدى، دەپ حابارلايدى Egemen.kz

"قازىرگى ۋاقىتتا كولىكتەگى سانيتارلىق-ەپيدەميولوگيالىق قىزمەتتىڭ ەپيدەميولوگتارى اۆياكومپانيالاردىڭ، اۋەجايلاردىڭ جانە باسقا دا مۇددەلى ورگانداردىڭ وكىلدەرىمەن بىرلەسىپ، 2-ساناتتاعى ەلدەردەن (21 ەلدەن) قازاقستانعا قازاننان باستاپ رەيستەرمەن كەلەتىن بارلىق ادامدارعا قوسىمشا تالاپتاردى ەنگىزۋ اياسىندا جۇمىستى ۇيىمداستىرۋ بويىنشا ماسەلەلەردى پىسىقتاپ جاتىر"،  دەدى بايعابۋلوۆ.

ونىڭ ايتۋىنشا، اۆياكومپانيالار قازاقستانعا بيلەت ساتىپ الاتىن جولاۋشىلارعا COVID-19-عا قويىلاتىن قوسىمشا تالاپتار تۋرالى حابارلايدى.

"شەتەلدىك ازاماتتاردا مەملەكەتتىك شەكارادان ءوتۋ كەزىندە ءۇش تاۋلىكتەن اسپايتىن مەرزىممەن COVID-19 تەرىس ناتيجەسى تۋرالى كۋالىك بولۋى كەرەك، ايتپەسە ولار ۇشۋ اۋەجايىنان اۋە كەمەسىنە قابىلدانبايدى.

ال قازاقستان ازاماتتارى، كەلگەن كەزدە باسقارمانىڭ انىقتاماسى بولماعان جاعدايدا، COVID-19 پتر ءاناليزى ءۇشىن اۋرۋحانادا ەكى كۇندىك كارانتينگە جابىلادى، دەدى باس دارىگەر.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار