ەكونوميكا • 01 قازان، 2020

توكيو قور بيرجاسى جۇمىسىن توقتاتتى

8 رەت كورسەتىلدى

توكيو قور بيرجاسى جۇيەنىڭ ىستەن شىعۋىنا بايلانىستى ساۋدا-ساتتىقتى بۇگىن كەشكە دەيىن توقتاتاتىنىن مالىمدەدى، دەپ حابارلايدى Egemen.kz

بيرجاداعى ساۋدا كۇنى باستالعاننان كەيىن بىردەن توقتاتىلدى. جاپونيانىڭ جەتەكشى 225 كومپانياسىنىڭ اكتسيالارىنا باعا بەلگىلەيتىن Nikkei يندەكسى، سونداي-اق بەدەلدى ءبىرىنشى بولىمدەگى كومپانيالاردىڭ اكتسيالارىنىڭ باعالارىن كورسەتەتىن Topix يندەكسى اكتسيالار باعالارىن دۇرىس كورسەتە الماعان. 

توكيوداعى ساۋدانىڭ توقتاتىلۋىنىڭ اسەرىنەن ناگوياداعى، فۋكۋوكاداعى جانە ساپپوروداعى بيرجالار دا جۇمىسىن توقتاتۋعا ءماجبۇر بولدى. سونىمەن بىرگە فيۋچەرستىك ساۋدا-ساتتىققا نەگىزدەلگەن وساكا قور بيرجاسى شتاتتىق رەجيمدە جۇمىس ىستەيدى.

Fujitsu اكتسيالارىن ساتۋ جۇيەسىن جاساۋشى NHK تەلەارناسىنا كومپانيا ماسەلەنى شەشىپ جاتقانىن، بىراق ونىڭ سەبەپتەرى تۋرالى تۇسىنىك بەرە المايتىنىن ايتتى. ازىرگە جۇيەنى قالپىنا كەلتىرۋدىڭ مۇمكىن بولاتىن ۋاقىتى تۋرالى بولجام جوق.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار