كەيبىرەۋى ازاماتتىعىنان ايىرىلسا دا, زاڭ بۇزۋشىلىققا بارىپ, باسقا شەت ەلدىڭ ازاماتتىعىمەن جۇرگەن. وسىعان وراي زاڭدى بۇزعان 266 ادامعا (277 800 تەڭگەدەن 555 تەڭگەگە دەيىن) ايىپپۇل سالىنىپ, قالعان 18-ءى قۋعىنعا ۇشىرادى.
سوڭعى ەكى جىلدا ءىىم باستاماسىمەن كوشى-قون سالاسىندا 23 حالىقارالىق كەلىسىمگە قول قويىلعان.
سولاردىڭ ىشىندە بەسەۋى كوشى-قون سالاسىنداعى ىنتىماقتاستىقتى رەتتەيدى (ازىربايجانمەن, بەلارۋسپەن, قىرعىزستانمەن, تاجىكستانمەن, وزبەكستانمەن), ال ون بەسى ادامداردىڭ رەادميسسياسى ماسەلەلەرىن قاراستىرسا (بەلارۋسپەن, ۆەنگريامەن, گەرمانيامەن, قىرعىزستانمەن, لاتۆيامەن, ليتۆامەن, مولدوۆامەن, نورۆەگيامەن, پولشامەن, رەسەيمەن, تاجىكستانمەن, وزبەكستانمەن, چەحيامەن, شۆەيتساريامەن جانە بەنيليۋكس ەلدەرىمەن), سوڭعى ۇشەۋى ازاماتتاردىڭ تاراپتار اۋماعىندا بولۋ ءتارتىبىن ايقىندايدى (ازىربايجانمەن, قىرعىزستانمەن, تاجىكستانمەن).
وسى كەلىسىمدەر ارقىلى زاڭسىز كوشى-قونعا قارسى ءىس-قيمىل سالاسىندا اقپارات الماسۋ ءتارتىبى رەتتەلىپ, كوشى-قون زاڭناماسىن بۇزۋشىلاردى باسقا ەلدەرگە بەرۋ تۋرالى ماسەلەلەرى مەن شەتەلدىكتەردىڭ قازاقستاندا بولۋ مەرزىمدەرى شەشىمىن تاپتى.
حالىقارالىق كەلىسىمدەر قوس ازاماتتىقتى بولدىرماۋ جونىندەگى جۇمىستى دا جەڭىلدەتتى. ەندى ەكىنشى تاراپتىڭ ازاماتتىعىن الۋ تۋرالى مالىمەتتەردى قازاقستاندىق تاراپ قىسقا مەرزىمدە-اق الاتىن بولدى.
