استاناداعى تاۋەلسىزدىك سارايىنداعى «جاڭا جىبەك جولى» ءىى حالىقارالىق كولىكتىك-لوگيستيكالىق بيزنەس-فورۋمىنىڭ جيىنى ەكى كۇنگە جالعاستى. ونى قازاقستاننىڭ «KAZLOGISTICS» كولىك وداعى ۇيىمداستىرىپ, وعان 20-عا جۋىق دامىعان ەلدەردىڭ سالاداعى بىلگىر ماماندارى مەن كومپانيالار جەتەكشىلەرى قاتىستى.
استاناداعى تاۋەلسىزدىك سارايىنداعى «جاڭا جىبەك جولى» ءىى حالىقارالىق كولىكتىك-لوگيستيكالىق بيزنەس-فورۋمىنىڭ جيىنى ەكى كۇنگە جالعاستى. ونى قازاقستاننىڭ «KAZLOGISTICS» كولىك وداعى ۇيىمداستىرىپ, وعان 20-عا جۋىق دامىعان ەلدەردىڭ سالاداعى بىلگىر ماماندارى مەن كومپانيالار جەتەكشىلەرى قاتىستى.
فورۋمنىڭ كەشەگى اشىلۋ سالتاناتىندا پرەمەر-مينيستر سەرىك احمەتوۆ ءسوز سويلەدى. ءسوزىن قۇرلىقتار اراسىندا كولىكتىك ساۋدا اعىمىن دامىتۋ قازاقستاننىڭ باسەكەلەستىك قابىلەتىن ارتتىرادى, دەپ باستاعان ۇكىمەت باسشىسى ەۋرازيا كولىكتىك-لوگيستيكالىق جۇيەگە قاتىسۋشىلاردىڭ بارلىعىن شوعىرلاندىرۋ جانە باسەكەگە قابىلەتتىلىگى جوعارى ترانسكونتينەنتالدىك دالىزدەردى قالىپتاستىرۋ بويىنشا ءتيىمدى شەشىمدەر ازىرلەۋ ءۇشىن كوپجاقتى قارىم-قاتىناستىڭ مۇنداي قاعيدالارىن قۇرۋدى وتە ماڭىزدى جانە وزەكتى دەپ سانايتىندىعىن اتاپ كورسەتتى. «قازاقستان بيزنەس-فورۋم فورماتىندا وسى ديالوگ الاڭىن قۇرۋعا باستاما جاسادى. ويتكەنى, قۇرلىقتار اراسىندا كولىكتىك ساۋدا اعىمىن تۇراقتى تۇردە دامىتۋ قازاقستاننىڭ باسەكەلەستىك قابىلەتىن قالىپتاستىرۋعا مۇمكىندىك بەرەدى. سوندىقتان مەملەكەت باسشىسى «قازاقستان – جاڭا جىبەك جولى. ەلدىڭ كولىك الەۋەتىنىڭ دامۋى» جوباسىن جۇزەگە اسىرۋ يدەياسىن ۇسىنعان بولاتىن», – دەپ جالعادى ءسوزىن س.احمەتوۆ.
ۇكىمەت باسشىسى مۇنان كەيىنگى سوزىندە اتالعان باعىتتا اتقارىلىپ جاتقان جۇمىستارعا توقتالىپ ءوتتى. العا قويعان ماقساتقا قول جەتكىزۋ ءۇشىن ۇكىمەت رەسپۋبليكانىڭ كولىك جۇيەسى ينفراقۇرىلىمىن دامىتۋ مەن ىقپالداستىرۋدىڭ 2020 جىلعا دەيىنگى باعدارلاماسىن ازىرلەدى. كولىكتىك-لوگيستيكالىق اكتيۆتەردى بىرىڭعاي كەشەنگە ىقپالداستىرۋ بويىنشا شارالار جۇزەگە اسىرىلۋدا. شىعىس-باتىس, سولتۇستىك-وڭتۇستىك باعىتىندا حالىقارالىق كولىك دالىزدەرىن وڭتايلاندىراتىن اۆتوموبيل جانە تەمىرجولداردىڭ قۇرىلىسى بويىنشا اۋقىمدى جۇمىستار جۇرگىزىلۋدە. «فورۋم اياسىندا تالقىلاناتىن يدەيالار مەن ۇسىنىستار ءوڭىر ەلدەرىنىڭ الەمدىك كولىكتىك-لوگيستيكالىق قىزمەت كورسەتۋگە بەلسەندى ىقپالداسۋ ىسىندە وڭ سەرپىن بەرەدى دەپ سەنەمىن», دەپ ءسوزىن تۇيىندەدى پرەمەر-مينيستر.
«جاڭا جىبەك جولى» جوباسى – جۇك تاسىمالى قىزمەتىندەگى رەۆوليۋتسيا. بۇل جونىندە «قازاقستان – جاڭا جىبەك جولى» ءىى حالىقارالىق كولىكتىك-لوگيستيكالىق بيزنەس فورۋمى بارىسىندا «DP World» الەمدىك پورت وپەراتورلارى ديرەكتورلار كەڭەسىنىڭ پرەزيدەنتى احمەد بين سۋلايم ايتتى. «قازاقستاننىڭ گەوگرافيالىق ورنالاسقان جەرى ستراتەگيالىق تۇرعىدان ماڭىزدى. قىتايداعى ءوندىرىستىڭ وزگەرۋىن ەسەپكە الا وتىرىپ, بۇل جوبا جۇزەگە اسىرىلادى دەپ ويلايمىز. سەبەبى, ول اراقاشىقتىقتى كوپ قىسقارتادى. ءبىز, DP World لوگيستيكالىق پورتتاردى دامىتۋداعى ءوز تاجىريبەمىزبەن اقتاۋدا دا, قورعاستا دا بولىسە الاتىنىمىزدى ايتقىم كەلەدى. ءبىز ەۋروپانىڭ ءىرى تەرمينالدارىندا, كونتەينەرلەرىندە, پورتتارى مەن قازىرگى زامانعى تەمىرجولدارىندا جۇمىس ىستەيمىز. پاكستان مەن ءۇندىستاندا جەكە سەرۆيسىمىز بار», دەدى ول.
احمەد بين سۋلايم اتالعان جوبا قازاقستانعا عانا ەمەس, وعان قاتىسۋشى ءاربىر مەملەكەت ءۇشىن اسا ماڭىزدى ەكەنىن جەتكىزدى. «جاڭا جىبەك جولى» جوباسى جۇك تاسىمالى تىزبەگىندە قازاقستاننىڭ پروۆايدەر ءرولىن اتقارۋىنا مۇمكىندىك بەرەدى. بۇل وتە ماڭىزدى. ەڭ باستىسى وسى ۇدەرىستەگى قۇجاتتاردى رەتتەۋ ءىسى وڭتايلى جۇرگىزىلۋى ءتيىس. ايتپەسە, پويىز جوعارى دەڭگەيدە جىلدام ءارى ءتيىمدى بولعانىمەن, قۇجاتتاما سايكەس بولماسا, وندا كوپ ماسەلە تۋىندايدى. مىسالى, ءبىز شامامەن 14 ملن. كونتەينەردىڭ تاسىمالىن ۇيىمداستىرامىز. ولاردىڭ بارلىعى ەشقانداي قۇجاتسىز-اق جۇزەگە اسىرىلادى. «جاڭا جىبەك جولى» جوباسى جاڭا جۇمىس ورىندارىن اشىپ قانا قويماي, جاڭا بيزنەستىڭ قۇرىلۋىن قامتاماسىز ەتەدى دەگەن ويدامىز. مىسالى, 1985 جىلى ءبىزدىڭ اۋماقتا جۇمىس ىستەيتىن 10-عا جۋىق كومپانيا بار ەدى. 2013 جىلى ولاردىڭ سانى 8,5 مىڭنان استى. 1985 جىلى جۇمىسشىلار سانى 500 ادامدى قۇراسا, قازىرگى قىزمەتكەرلەر سانى 250 مىڭعا جەتەدى. سوندىقتان, بۇل جوبا ىسكە قوسىلسا, ول تەك قازاقستانعا عانا ەمەس, وعان كورشى ءار ەل ءۇشىن ماڭىزدى بولماق», دەپ اياقتادى ءسوزىن احمەد بين سۋلايم.
كەلەسى جىلدىڭ العاشقى توقسانىندا بىرىككەن كولىك-لوگيستيكالىق كومپانيا ىسكە قوسىلادى. بۇل تۋرالى «قازاقستان تەمىر جولى» ۇك» اق پرەزيدەنتى اسقار مامين جۋرناليستەرگە بەرگەن سۇحباتىندا مالىمدەدى. سونداي-اق ول, 2020 جىلعا دەيىن ەلىمىزدىڭ كولىكتىك-لوگيستيكالىق سالاسى مەن ونىڭ ينفراقۇرىلىمدارىنا 60 ملرد. اقش دوللارى كولەمىندە ينۆەستيتسيا تارتىلاتىنىن دا ايتتى.
اتالعان بيزنەس-فورۋم اياسىندا بىرقاتار مەموراندۋمعا قول قويىلدى. سونىڭ ءبىرى – «قتج» ۇك» اق پرەزيدەنتى ا.مامين, «رەسەي تەمىر جولى» ااق پرەزيدەنتى ۆ.ياكۋنين جانە «بەلورۋسسيا تەمىر جولى» كومپانياسىنىڭ باسشىسى ۆ.ميحايليۋك قول قويعان بىرىككەن كولىك-لوگيستيكالىق كومپانياسىن قۇرۋ بويىنشا شارالاردىڭ جوسپار-كەستەسى.
نۇرباي ەلمۇراتوۆ,
«ەگەمەن قازاقستان».
