پرەمەر-ءمينيستردىڭ اتىنا جولداعان دەپۋتاتتىق ساۋالىندا پىشەمباەۆ 2021 جىلدىڭ 1 قاڭتارىنان باستاپ جەر قويناۋىن پايدالانۋشىلاردى ساتىپ الۋدا قازاقستاندىق وندىرۋشىلەرگە ارنالعان پرەفەرەنتسيالار جويىلاتىنىن ەسكە ءتۇسىردى.
"تاۋارلارداعى جەرگىلىكتى قامتۋعا قويىلاتىن تالاپتاردا 0 پايىزعا دەيىن, جۇمىستار مەن قىزمەتتەردە 50 پايىزعا دەيىن, قىزمەتكەرلەردە دە 50 پايىزدان اسپايتىن شەكتەۋلەر بولادى. وتاندىق تاۋار وندىرۋشىلەر ءۇشىن كونكۋرستار كەزىندە 20 پايىزدىق شارتتى جەڭىلدىك بەرۋ تۋرالى ەرەجە, تاۋارلاردى ساتىپ الۋ قۇقىعى قازاقستاندىق وندىرۋشىلەردىڭ ءبىر تابىس كوزى جانە تاۋارلارداعى جەرگىلىكتى قامتۋدىڭ مىندەتتى ۇلەسىن تالاپ ەتەتىن تاپسىرىس بەرۋشىلەر مۇمكىندىگى الىنىپ تاستالادى", - دەدى مەيرام پىشەمباەۆ.
دەپۋتات بۇل جاعدايدا قازاقستاندىق بيزنەس ءۇشىن باسەكەلەستىك تەڭ بولمايتىنىن مالىمدەدى.
"جەر قويناۋىن پايدالانۋشىلاردىڭ "جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تاۋارلاردىڭ, جۇمىستار مەن كورسەتىلەتىن قىزمەتتەردىڭ جانە ولاردى وندىرۋشىلەردىڭ ءتىزىلىمى" ەلەكتروندىق ساتىپ الۋ سايتىندا تىركەلگەن ون مىڭداعان قازاقستاندىق كومپانيا مەن جەكە كاسىپكەرلەر ىشكى نارىقتان شىعىپ قالادى دەگەن قاۋىپ بار", - دەدى ول.
ماجىلىسمەن مۇنىڭ ءبارى قازاقستاننىڭ 2015 جىلى دسۇ-عا كىرگەن كەزدەن باستاپ جەرگىلىكتى قامتۋ ۇلەسىنىڭ تومەندەۋى اياسىندا بولىپ جاتقانىن اتاپ ءوتتى. ونىڭ ايتۋىنشا, 2014 جىلدان 2019 جىلعا دەيىنگى ارالىقتا بۇل كورسەتكىش 12 پايىزعا - 63 پايىزدان 51 پايىزعا دەيىن تومەندەگەن.
