مەديتسينا • 29 قىركۇيەك، 2020

ا.تسوي: اكادەميك نۇرلان باتپەنوۆتىڭ شاكىرتتەرى دە ناۋقاستاردى ەمدەۋگە اتسالىسۋدا

15 رەت كورسەتىلدى

نۇر-سۇلتان قالاسىندا "تراۆماتولوگيا جانە ورتوپەديانىڭ زاماناۋي باسىم باعىتتارى" تاقىرىبىندا ءۇش كۇندىك عىلىمي-تاجىريبەلىك كونفەرەنتسيا ءوتىپ جاتىر، دەپ حابارلايدى Egemen.kz

بۇل ءىس-شارا ۇلتتىق عىلىم اكادەمياسىنىڭ اكادەميگى نۇرلان جۇماعۇل ۇلى باتپەنوۆتى ەسكە الۋعا ارنالعان.

"نۇرلان جۇماعۇل ۇلى تراۆماتولوگيا جانە ورتوپەديا ۇعزي نەگىزىن قالاۋشى جانە ونىڭ العاشقى ديرەكتورى. ول ءوزىنىڭ بار عۇمىرىن وسى سالاداعى عىلىمعا ارناعان ادام. سول كىسىنىڭ قاجىرلى ەڭبەگىنىڭ ارقاسىندا ەلىمىزدە ەندوپروتەزدەۋدىڭ يننوۆاتسيالىق ءتاسىلى جانە بۋىن اۋرۋلارىن ەمدەۋدىڭ ۇزدىك ادىستەمەسى تاجىريبەگە ەندى. از عۇمىر سۇرگەنىمەن، حالىق ءۇشىن ولشەۋسىز ەڭبەك قالدىردى. ەڭ باستىسى، نۇرلان جۇماعۇل ۇلىنىڭ ءىزىن جالعاپ جاتقان شاكىرتتەرى بار.بۇگىندە ولار ناۋقاستاردى ەمدەۋگە ايرىقشا ۇلەس قوسۋدا"، دەپ اتاپ ءوتتى دەنساۋلىق ساقتاۋ ءمينيسترى ا.تسوي.

قازىرگى ۋاقىتتا توعزي-ەلىمىزدەگى جەتەكشى عىلىمي ورتالىقتىڭ ءبىرى. مەديتسينانىڭ سالالىق باعىتىنا يننوۆاتسيالىق تەحنولوگيالار تەتىگىن كىرىكتىرىپ جاتقان بىرەگەي عىلىمي ورتالىق. عىلىمي-ەمحانالىق جانە اعارتۋشىلىق باعىتتى دا قامتىعان.

مۇندا 360 ورىنعا ارنالعان 14 بولىمشە بار. 19 جىلدا 200 مىڭنان استام ناۋقاسقا كومەك كورسەتكەن. ءۇش كۇندىك عىلىمي تاجىريبەلىك كونفەرەنتسيا بارىسىندا وتاندىق جانە شەتەلدىك جەتەكشى مامانداردى ەمدەۋدىڭ ۇزدىك ادىستەمەلەرى بويىنشا ءوزارا تاجىريبە الماسادى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار