ايماقتار • 29 قىركۇيەك، 2020

الماتى دارىگەرلەرى شالا تۋعان شاقالاقتاردى امان شىعاردى

35 رەت كورسەتىلدى

بيىل جازدا الماتىداعى پەريناتولوگيا جانە بالالار كارديوحيرۋرگياسى ورتالىعىنا ىشىندە 7،5 ايلىق بالالارى بار بايان تىم ەرتە تولعاق قىسىپ كەلگەن ەدى. جىل سايىن وسىناۋ ورتالىقتىڭ جانساقتاۋ ءبولىمىنىڭ دارىگەرلەرى  800-گە جۋىق نارەستە جارىق دۇنيەدە قالۋ ءۇشىن كۇرەسەدى. ال بۇلاردىڭ ۇشتەن ەكى بولىگى – شالا تۋعان شاقالاقتار، دەپ حابارلايدى Egemen.kz

سونىمەن باستاپقىدا ءبىرىنشىسىنىڭ  سالماعى 1100 گر، ال ەكىنشىسى 686 گر بولىپ دۇنيەگەن كەلگەن شاقالاقتاردىڭ جاعدايى اۋىر بولعان. جانساقتاۋ بولىمىندە 28 كۇن بويى جاتقان ۇلكەنى ينديرا دارىگەرلەر مەن مەدبيكەلەردىڭ جۇمىلا قاراعانىنىڭ ارقاسىندا بىرتىندەپ سالماق جيناپ، كەيىن جاڭا تۋعان نارەستەلەر پاتولوگياسى بولىمىنە اۋىستىرىلدى. جاقسى بولعاننان كەيىن سول جەردەن ۇيگە شىعارىلدى.

ەكىنشى نارەستە ناديرانىڭ جاعدايى ءتىپتى قيىن بولدى. ول ۇزاق ۋاقىت بويى وكپەنىڭ جاساندى جەلدەتۋ اپپاراتىندا جاتىپ، سالماق قوسا الماعاندىقتان، 139 كۇن بويى جاڭا تۋعان نارەستەلەردىڭ رەانيماتسيا جانە قارقىندى تەراپيا بولىمشەسىندە نەوناتولوگ دارىگەرلەر ونىڭ ءومىرى ءۇشىن كۇرەستى. ەندى، مىنە، مەديتسينا قىزمەتكەرلەرىنىڭ ەرەن كۇش-جىگەرىنىڭ ارقاسىندا ناديرا ۇيىنە شىقتى.

"ينديرا مەن ناديرا دۇنيەگە كەلگەن كەزدە، ولاردى امان الىپ قالۋعا بولادى دەگەن ءۇمىتىمىز از بولدى. مەن ولاردان ايىرىلىپ قالامىن دەپ تە ويلادىم. سابيلەرىمنىڭ جاعدايى قۇبىلىپ، ەندى مىنەكەي ءبارى جاقسى ەكەنىنە قۋانىپ، جانە ول جاقسارىپ كەلەدى دەگەندە،بىرەسە ناشار دەمالىپ، بىرەسە دۇرىس تاماقتانا الماي، ابدەن قورقىتتى. قازىر اللاعا شۇكىر، ءبارى جاقسى. مەن بارلىق قىزمەتكەرلەرگە بالالارىمدى قۇتقارعانى ءۇشىن ريزامىن"، دەيدى بايان.

ورتالىقتىڭ ديرەكتورى عاني بودىقوۆتىڭ ايتۋىنشا، جوعارىدا اتاپ وتكەندەي، جىل سايىن پەريناتالدىق ورتالىقتىڭ بالالار رەانيماتسياسى بولىمشەسى ارقىلى 800-گە جۋىق بالا وتەدى، ونىڭ ⅔ شالا تۋعاندار. نەوناتولوگتار تۋدىڭ العاشقى مينۋتتارىنان باستاپ ولاردىڭ ءومىرى ءۇشىن كۇرەسەدى. بالالار ورتالىقتا تۋىلادى، سودان كەيىن ولار قۇرساققا ۇقسايتىن كيۋۆەز-اپپاراتتارعا ورنالاستىرىلادى. مۇندا وتتەگى كەلەدى، تەمپەراتۋرا مەن ىلعالدىلىق رەتتەلىپ تۇرادى. وندا بالالار جاساندى جەلدەتۋدى جانە ءدارى-دارمەكتەر مەن قورەكتىك زاتتاردى ىشكى ەنگىزۋدى قوسا الادى. "كۇتىمنىڭ" وسى كەزەڭىندە انالار رەانيماتسياعا كەلىپ، بالانىڭ جانىندا بولا الادى.

"كۇتۋ كەزەڭى 4 كەزەڭگە بولىنەدى. ءبىرىنشىسى – رەانيماتسيا جانە قارقىندى تەراپيا. بۇدان كەيىن شاقالاقتار نارەستەلەر مەن شالا تۋىلعان نارەستەلەر پاتولوگياسى بولىمىنە اۋىستىرىلادى، ودان ءارى ەمدەلەدى. ءۇشىنشى كەزەڭ – انا مەن بالا پالاتاسى، وندا شەشەلەرى كىشكەنتايىن تاماقتاندىرۋدى جانە شومىلدىرۋدى ۇيرەنەدى. سودان كەيىن كەزەڭ باستالادى، ونى انالار ءبىر-بىرىمەن "بەسىنشى نۇكتە" دەپ اتايدى. بالادان زوندتار شىعارىلادى جانە ۇيلەرىنە شىعارىلعانعا دەيىن سالماق جيناۋ عانا قالادى.

"شالا تۋىلعان شاقالاقتاردى ناعىز باتىرلار دەۋگە بولادى. ويتكەنى، ء سابيدى امان الىپ قالۋدىڭ بارلىق كەزەڭى – بۇل جەڭىس. بالا تىنىس الۋدى ۇيرەنەدى – جەڭىس! اناسىن ەمۋدى ۇيرەندى – جەڭىس! مىنە، ءبىز ەرەسەكتەرمىز، جانە بىزگە بالا دا كەرەك، بىراق مەنىڭ ويىمشا، بۇل بالالار بىزگە ءبىر نارسە ءۇشىن بەرىلگەن. بۇل كىشكەنتاي بالالار بىزگە شىدامدىلىقتى، مەيىرىمدىلىك پەن ماحابباتتى ۇيرەتەدى، ولار ءبىزدى جاڭا بىلىمگە، جەتىلدىرۋگە يتەرمەلەيدى. ولار – ءبىزدىڭ ءومىر سۇرۋگە قۇشتارلىق جولىنداعى تاربيەشىلەرىمىز"، دەيدى عاني بودىقوۆ.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار