حوككەي • 29 قىركۇيەك، 2020

"بارىستىڭ" بۇرىنعى ويىنشىلارى ستەنلي كۋبوگىن يەلەندى

7 رەت كورسەتىلدى

ۇلتتىق حوككەي ليگاسىننىڭ (ۇحل) ستەنلي كۋبوگىن "تامپا-بەي لايتنينگ" كلۋبى جەڭىپ الدى. التى كەزدەسۋدەن تۇراتىن سەريادا ولار "داللاس ستارزدى" 4:2 ەسەبىمەن ۇتتى، دەپ حابارلايدى Egemen.kz

ءبىز ءۇشىن قۋانارلىق جايت، جەڭىمپاز كوماندانىڭ ساپىندا كەزىندە "بارىستىڭ" نامىسىن قورعاعان ەكى بىردەي ويىنشى ونەر كورسەتتى. ولار – 29 جاستاعى شۆەتسيالىق ۆيكتور حەدمان مەن 31 جاستاعى امەريكالىق رايان ماكدونا.

2013-14 جىلدارداعى ماۋسىمدا ۇحل-دا لوكاۋت جاريالانعاندا ايتۋلى قوس قورعاۋشى قازاقستاندىق كوماندانىڭ جەيدەسىن كيدى. ەكەۋى دە ورەلى ونەرلەرىمەن كوزگە ءتۇسىپ، جەرگىلىكتى جانكۇيەرلەردىڭ جۇرەگىن جاۋلادى. لوكاۋت مەرزىمى اياقتالعاننان سوڭ ولار قايتا امەريكاعا ورالدى. مىنە، ەندى "بارىستىڭ" بۇرىنعى ويىنشىلارى ستەنلي كۋبوگىن ولجالاپ وتىر.

1

سونىمەن قاتار، ۆيكتور حەدمانعا وسى جارىستىڭ ەڭ ۇزدىك ويىنشىسىنا تيەسىلى "كونن سمايت تروفي" سىيلىعى تابىس ەتىلدى. سكانديناۆيالىق قورعاۋشى پلەي-وفف سايىستارىنداعى 24 كەزدەسۋدە 21 ۇپاي (10 گول+11 پاس) جيدى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار