ايماقتار • 28 قىركۇيەك، 2020

پاۆلوداردا 9 وقۋشى كوروناۆيرۋس جۇقتىردى

1104 رەت كورسەتىلدى

پاۆلودار وبلىسىندا 9 مەكتەپ وقۋشىسىندا كوروناۆيرۋس دياگنوزى وڭ ناتيجە كورسەتتى. ونىڭ تورتەۋى مەكتەپكە بارىپ وقىعان، دەپ حابارلايدى Egemen.kz

شارباقتى اۋدانىنداعى الەكسەەۆ ورتا مەكتەبىندە العاشىندا 1 مەكتەپ وقۋشىسىنان كوروناۆيرۋس انىقتالعان. سانيتار دارىگەرلەردىڭ مالىمەتىنشە، وقۋشىمەن 44 ادام بايلانىستا بولعان. ناتيجەسىندە، تاعى ءۇش وقۋشىدان COVID-19 دياگنوزى تىركەلدى. بارىندە دە اۋرۋ سيمپتومسىز وتكەن. 

"بالانىڭ جاعدايى قاناعاتتانارلىق، ەشقاندا شاعىمى جوق، اۋرۋ سيمپتومسىز ءوتىپ جاتىر. 16 قىركۇيەكتەن باستاپ ول مەكتەپكە بارۋىن توقتاتقان، قازىر ۇيدەگى كارانتيندە جاتىر. مەكتەپ بويىنشا جەدەل تەرگەۋ باستالدى، ەپيدەمياعا قارسى ءىس-شارالار جۇرگىزىلىپ جاتىر. مەكتەپتى جوسپاردان تىس تەكسەرۋ جۇمىستارىن جاساۋ جوسپارلاندى. ول ءالى دە جالعاسىپ جاتىر"، دەيدى پاۆلودار وبلىسىنىڭ باس سانيتار دارىگەرى باتىربەك اليەۆ. 

الەكسەەۆ مەكتەبى ۋاقىتقا جابىلدى. شەشىم ەپيدەميالىق احۋالعا بايلانىستى قابىلدانادى. 

بۇدان بولەك، اۋداندا تاعى 5 بالادان كوروناۆيرۋس انىقتالعان. اۋرۋعا شالدىققانداردىڭ 3-ەۋى پاۆلوداردان، تاعى 1-ەۋى اقسۋ اۋدانىنان بولىپ شىقتى.

ەسكە سالايىق، بۇعان دەيىن شىعىس قازاقستان وبلىسىندا كەزەكشى سىنىپتارداعى ءتورت وقۋشىدان كوروناۆيرۋس انىقتالعان ەدى. 

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار