ايماقتار • 28 قىركۇيەك، 2020

تارازدا شەرحان مۇرتازا تۇرعان ۇيگە ەسكەرتكىش-تاقتا ورناتىلدى

465 رەت كورسەتىلدى

بۇگىن، ياعني 28 قىركۇيەك قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى شەرحان مۇرتازانىڭ تۋعان كۇنى، دەپ حابارلايدى Egemen.kz.

قالامگەردىڭ دۇنيە ەسىگىن اشقان كۇنىنە وراي، تاراز قالاسىنداعى "استانا" ىقشاماۋدانىنداعى ءوزى تۇرعان 7-ۇيگە ەسكەرتكىش تاقتا ورناتىلدى. اتالعان بەلگىنىڭ ورناتىلۋىنا جامبىل وبلىستىق مادەنيەت، ارحيۆتەر جانە قۇجاتتاما باسقارماسىنا قاراستى "شەرحان مۇرتازا اتىنداعى رۋحانيات جانە تاريحتانۋ ورتالىعى ۇيىتقى بولدى.

جيىندى وبلىس اكىمىنىڭ ورىنباسارى ەرجان جىلقىباەۆ ءسوز سويلەپ اشتى. ول ءوز سوزىندە شەرحان مۇرتازانىڭ قازاق ادەبيەتىندە وزىندىك ورىنى بار تۇلعا ەكەنىن، سوندىقتان دا ونىڭ ەسىمى ۇلت قايراتكەرى رەتىندە حالىقتىڭ جۇرەگىندە ماڭگى ساقتالاتىنىن، شىندىقتىڭ شىراقشىسى اتانعان شەر-اعانىڭ ەسكەرتكىش-تاقتانىڭ اشىلۋى ۇرپاق ءۇشىن ۇلاعاتتى ءىس ەكەنىن جەتكىزدى.

بۇدان كەيىن وبلىستىق ارداگەرلەر كەڭەسىنىڭ توراعاسى ەركىنبەك سولتىباەۆ، تاراز قالالىق ءماسليحاتىنىڭ حاتشىسى باتىربەك قۇلەكەەۆ، جازۋشىنىڭ نەمەرە ءىنىسى ءاليجان مۇرتازا ەسكەرتكىش-تاقتانىڭ لەنتاسىن سالتاناتتى جاعدايدا قيدى.

سونداي-اق، وسى جانە باسقا دا ازاماتتار ءسوز سويلەپ، ايگىلى قالامگەر تۋرالى ءوز ويلارىمەن ءبولىستى. جازۋشى ومىرىنەن ەستەلىكتەر ايتتى.

ايتا كەتەيىك، جازۋشى بۇل ۇيدە 2009-2013 جىلدارى تۇرعان.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار