قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان: «انتيدەنەلەردىڭ بولۋى ناۋقاستارعا شارالاردى ساقتاماۋعا, ماسكا تاقپاۋعا جانە قاشىقتىقتى ساقتاماۋعا قۇقىق بەرمەيدى. بارلىعى ساقتىق شارالارىن ساقتاۋ كەرەك. قايتا اۋىرۋ قاۋپى بولعاندىقتان ەمەس. ارينە, يممۋندىق قورعانىس, انتيدەنەلەر پايدا بولادى. انتيدەنەلەر عانا ەمەس, سونىمەن قاتار جاسۋشالىق يممۋنيتەت داميدى. بۇل يممۋنيتەتتىڭ ءبىر-ەكى جىلعا جەتەر-جەتپەسى ءالى بەلگىسىز. مۇمكىن, ەكى جىلعا جەتەدى, مۇمكىن, ودان دا كوپ شىعار. عالىمدار بۇل ماسەلەمەن اينالىسۋدا, سوندىقتان ناقتى توقتام جوق», دەدى.
ا.شارمان COVID-19 ناۋقاستارىنا اۋرۋدىڭ اعىمىنا قاراماستان سيمپتومدىق, سيمپتومسىز بولسا دا ماسكا تاعۋدى جالعاستىرۋدى, قاشىقتىقتى ساقتاۋدى ۇسىنادى.
ال ەۋروپا مەن ازيا ەلدەرىندە ىندەت قايتا ءورشي باستاعانىنا بايلانىستى قازاقستان پروفيلاكتيكالىق مەديتسينا اكادەمياسىنىڭ پرەزيدەنتى «ىندەتتى ءساتتى جەڭىپ شىققان جاڭا زەلانديا, موڭعوليا, وڭتۇستىك كورەيا, سينگاپۋر سياقتى ەلدەر بار. بىراق يتاليا, يسپانيا, اقش سياقتى ەلدەردە ءولىم-ءجىتىم مەن ىندەت جۇقتىرعاندار كوپ بولدى», دەدى.
الماتىلىق پروفەسسور ادامزات قازىر «كوۆيدتەن كەيىنگى جاعداي» جاڭا قۇبىلىسىمەن بەتپە-بەت كەلىپ جاتقانىن العا تارتتى. Covid-19-بەن اۋىرعان ناۋقاستاردا ءبىراز ۋاقىتتان كەيىن باسقا اسقىنۋلار پايدا بولادى. بۇل السىزدىك, سوزىلمالى شارشاۋ سيندرومى, نەۆرولوگيالىق, جۇرەك جانە باسقا بەلگىلەر.
«بۇكىل الەم دارىگەرلەرى وتە ماڭىزدى, كەڭ اۋقىمدى پروبلەمالارعا تاپ بولدى. سوندىقتان كۇزگى-قىسقى ماۋسىمدا جانە بولۋى مۇمكىن كوروناۆيرۋستىڭ ەكىنشى تولقىنىنا ادامدار بەيعام قاراماۋى كەرەك», دەيدى پروفەسسور.
الداعى كۇندەردەگى قازاقستانداعى جاعداي ءوزىمىزدى قالاي ۇستايتىنىمىزعا, قالاي ساقتايتىنىمىزعا بايلانىستى.
الماتىدا كوروناۆيرۋستان كەيىن وڭالتۋ قىزمەتىن قالاي الۋعا بولاتىنى تۋرالى ايتا كەتەلىك.
ارنايى ونلاين-سۇحبات بارىسىندا №4 قالالىق ەمحانانىڭ باس دارىگەرى زۋحرا وماروۆا مەديتسينالىق وڭالتۋ ورتالىعىندا كارديولوگيا, نەۆرولوگيا جانە نەيروحيرۋرگيا, تراۆماتولوگيا, ورتوپەديا باعىتتارى بويىنشا 3 كەزەڭنەن تۇراتىن امبۋلاتورلىق وڭالتۋ جۇرگىزىلىپ وتىرعانىن حابارلادى. سونىڭ ىشىندە پەريناتالدىق زاقىمدانۋ سالدارىنان ورتالىق جۇيكە جۇيەسى زاقىمدانعان بالالارعا قىزمەت كورسەتىلەدى. پاتسيەنتتەردى جالپى تاجىريبەدەگى ۋچاسكەلىك دارىگەردىڭ جولداماسى بويىنشا ءمامس جانە امبۋلاتورلى-ەمحانالىق كومەك اياسىندا قابىلدايدى. قازىرگى ۋاقىتتا كوروناۆيرۋسپەن اۋىرعاندار ءۇشىن بەلسەندى تۇردە وڭالتۋ جۇرگىزىلۋدە: وكسيگەنوتەراپيا, ارنايى درەناجدى ماسساج, تىنىس الۋ گيمناستيكاسىنىڭ بەلگىلى تەحنيكالارى, ەمدىك دەنە شىنىقتىرۋ جۇرگىزىلەدى. سونىمەن بىرگە پسيحولوگيالىق جانە الەۋمەتتىك بەيىمدەۋ كومەگى كورسەتىلەدى.
«برونح-وكپەلىك جۇيە عانا ەمەس, سونداي-اق جۇرەك-قان تامىرى جۇيەسىنە زاقىم كەلگەننەن كەيىن ماماندار تىنىس الۋمەن عانا ەمەس, بۇكىل اعزامەن ءبىرتۇتاس جۇيە رەتىندە جۇمىس ىستەيدى. ورتالىقتا قالپىنا كەلتىرۋ مەديتسينا دارىگەرى, رەابيليتولوگ, كينەزيتەراپەۆت, ەرگوتەراپەۆت, ديپلومدى ينە تەراپەۆتى, لوگوپەد-دەفەكتولوگ, پسيحولوگتار, الەۋمەتتىك قىزمەتكەر, ماسساج جاساۋشى مامان, ەمدىك گيمناستيكا جانە تىنىس الۋ گيمناستيكاسى بويىنشا ينسترۋكتورلار قىزمەت ەتەدى. سونىمەن بىرگە فيزيوتەراپيا, پارافينوتەرپيا, ينە تەراپياسى, گالوتەراپيا, ياعني تۇزدى شاحتا جاسالادى», دەدى باس دارىگەر زۋحرا وماروۆا.
الماتى
