ماسكەۋ تورىندە ۇيىمداستىرىلعان ايقاستا جەرلەسىمىز ءاۋ باستا رەسەيلىك ولەگ كوسينوۆپەن (7-5) كىم مىقتىنى انىقتاۋ كەرەك بولاتىن. الايدا جارىسقا ءبىر كۇن قالعاندا حاميتوۆتىڭ قارسىلاسى وزگەرىپ, كوسينوۆتىڭ ورنىنا تاعى ءبىر رەسەيلىك سپورتشى احماد-حان بوكوۆ شىعاتىنى بەلگىلى بولدى. 74 كيلو سالماق دارەجەسىندە وتكەن باسەكەدە «نايمان» لاقاپ اتىمەن تانىلعان وتانداسىمىز بوكوۆتى ءبىرىنشى راۋندتىڭ ورتا تۇسىندا قىلقىندىرۋ ادىسىمەن جەڭىپ كەتتى.
جەكپە-جەكتەن كەيىن ءسوز العان حاميتوۆ بۇل جەڭىسىن جۋىردا عانا ومىردەن وتكەن, جەكەلەي سپورتتا قازاقتان شىققان العاشقى وليمپيادا چەمپيونى جاقسىلىق ۇشكەمپىروۆكە ارنايتىنىن مالىمدەدى.
ايتا كەتەيىك, قۋات حاميتوۆ 2016 جىلدان كەيىن ارالاس جەكپە-جەك سپورتىندا ءبىرىنشى رەت جەڭىس تويىن تويلادى. بۇل ۋاقىت ارالىعىندا ءۇش ايقاس وتكىزگەن ول ۇشەۋىندە دە قارسىلاسىنا جول بەرگەن ەدى.
