ەلىمىزدىڭ ماڭدايعا بىتكەن جالعىز ءۇمىتى «قايرات» جەڭىسكە جەتسە – ماساتتانىپ, قاپى كەتسە قايعىراتىنبىز. بۇل ءبىزدىڭ پسيحولوگيامىزعا مۇلدەم ءسىڭىستى بولعان ءومىر بولشەگى ەدى. قازىر شە؟
ەلىمىزدەگى فۋتبول جايى مەن تاعدىرى, ونداعى ۇلت وكىلدەرىنە دەگەن قامقورلىق جايلى «جەرگە قاراتقان كوماندالار جانكۇيەرلەردەن كەشىرىم سۇراي ما؟» دەگەن تاقىرىپتا «Egemen Qazaqstan» گازەتىندە (№179 (29908) 21 قىركۇيەك, 2020 جىل) الماس ماناپتىڭ تولعاقتى ماقالاسى جارىق كوردى. جىل سايىن 56 ميلليارد تەڭگە جۇمساپ, سونداي-اق جاتجۇرتتىقتان «بەس اسپاپ مامان فۋتبول ويىنشىلارىن» جالداپ, كوسەگەمىزدى كوگەرتەدى, ەلدىڭ ابىرويىن ارتتىرادى دەگەن ماقساتىمىز جەلگە ۇشۋمەن كەلەدى. سول سەبەپتى ماقالا اۆتورىنىڭ «مۇنىڭ سەبەبى, «وزىڭنەن تۋماي ۇل بولماستىڭ» كەرى سياقتى. سوندىقتان دا قازاق فۋتبولىنىڭ نامىسىن ءوز ۇلاندارىمىز قورعاۋ ءۇشىن, قازاق بالاسى دوپ تەبۋىنە مۇمكىندىك جاساۋ كەرەك» دەگەن كەلەلى ۇسىنىسى كوكەيگە قوندى.
ەل تاعدىرىنا, ونىڭ ءاربىر بۋىنىنا الاڭداۋشىلىق ءبىلدىرىپ, ءجىتى نازار اۋداراتىن مەملەكەت باسشىسى قاسىم-جومارت توقاەۆتىڭ بيىلعى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا: «وسكەلەڭ ۇرپاقتىڭ سپورتتىق جانە شىعارماشىلىق الەۋەتىنە اسا نازار اۋدارۋ قاجەت. قارجى تاپشىلىعى كەزىندە مەملەكەت بيۋدجەتى ەسەبىنەن كاسىبي سپورت كلۋبتارىن تولىقتاي قامتاماسىز ەتۋدىڭ قاجەتى جوق. مەملەكەتتىڭ جانە كۆازيمەملەكەتتىك كومپانيالاردىڭ بيۋدجەتىنەن ميللياردتاعان تەڭگە ءتيىمسىز جۇمسالۋدا. بۇقارالىق سپورتقا, دەنە تاربيەسىنە جانە بالالارعا باسىمدىق بەرۋ كەرەك. ءار وبلىستا, ءىرى اۋدان ورتالىقتارىندا سپورت ۇيىرمەلەرىن اشۋ قاجەت», دەگەن تاپسىرماسى دەر كەزىندە كوتەرىلگەنىنە كۇمان جوق. ول نەگىزسىز ەمەس ەكەن.
قازىر ەلىمىزدە «Kursiv.kz سايتىنىڭ مəلىمەتىنەن كوماندالارعا بيۋدجەت ەسەبىنەن 2020 جىلعا «استانا» – 15 ملرد, «قايرات» – 8 ملرد, «ورداباسى» – 7 ملرد, «توبىل» – 4,5 ملرد, «قايسار» – 4 ملرد, «شاحتەر» – 4 ملرد, «ەرتىس» – 3,8 ملرد (بانكروت دەپ تانىلدى), «جەتىسۋ» – 3,3 ملرد, «كاسپي» – 2 ملرد, «وقجەتپەس» – 1,9 ملرد, «تاراز» 1,9 ملرد, «قىزىل-جار سك» – 920 ميلليون تەڭگە» جوسپارلانعانىن بىلمەيتىن جان جوق. بىراق ودان قايتارىم بولماسىنا تاعى سەنىمدىمىز. سوندا قىرۋار قارجىنى شاشۋدىڭ قاجەتتىلىگى كىمدەرگە ءتيىمدى بولماق؟
البەتتە, مۇنىڭ مەملەكەت بيۋدجەتىنەن قارجىلاندىرىلىپ وتىرعان فۋتبول سالاسىنا ۇلكەن سوققى بولارى انىق. بىراق ماسىلدىق پيعىلدان, جاناشىرلىق كوزقاراسقا اۋىساتىن كەز جەتتى. جات ەلدەردەن جالدامالىلىلار قاتارىن تولىقتىرعانشا, ولاردىڭ ءادىس-ءتاسىلىن مەڭگەرىپ, قارجىلاندىرۋ كوزىنە قالاي قول جەتكىزەتىنىنە كوز جەتكىزىپ, ۇنەمدەۋ مەن ۇتىسقا شىعۋدىڭ جولدارىن ۇيرەنۋگە تالپىنسىن.
ەسەسىنە ەلدەگى ءوز جاتتىقتىرۋشىلارىمىز بەن ۇلتتىق سپورتشىلارىمىزدى جاس بۋىن ەسەبىنەن ءوز قۇراماسىن تولىقتىرۋدى باتىل قولعا السىن. وزگەگە وزەۋرەپ جامان ۇيرەنگەندەر قالتاسى مەن وزگەگە جاعىمپازدانۋدان ارىلىپ, ەلدەگى باۋىرلارىنىڭ وزگەدەن ەش كەمدىگى جوعىنا كوزىن جەتكىزسىن. مۇنىڭ ءوزى ولارعا دا ابىروي اپەرەرى ءسوزسىز.
سوندا ەلىمىزدەگى جەرگىلىكتى əكىمدەردىڭ قولىنا قاراپ وتىرعان «جالىنىشتى» كەز كەلگەن كلۋبتار تاعدىرىنا دا وڭ وزگەرىستەر ەنەرى ءسوزسىز.
«وزىڭدىكى وزەككە تەپسەڭ دە كەتپەيدى» دەگەندەي, ول قايتا قولعانات بولادى, ال جاتتىڭ اتى جات, قالاماسا ەلىنە كەتىپ قالادى. سول سياقتى «وزگەدەن تارتىپ ال, وزىڭدىكىن ساتىپ ال» دەۋدىڭ استارىندا دا ءمان بار. ءوزىڭ باپتاپ وسىرگەننەن سۇرانىس تا بولادى. وزگەدەن نە بەتىڭمەن تالاپ ەتە الماقسىڭ. ء«وزىڭدى ءوزىڭ جاتتاي سىيلا, جات جانىنان ءتۇڭىلسىن» دەۋ ءوز ەلىڭە دەگەن قۇرمەتتىڭ باستاۋى بولارى انىق. ءوزىڭدى قۇرمەتتەسەڭ عانا وزگەلەردە ويلى كوزقاراس قالىپتاسادى. وسىدان كەلىپ بۇقارالىق سپورتتىڭ كەڭ دامۋى تۋىندايدى. جاستار دا جان-جاقتى بولماق.
وسى ماسەلەنى دە قاپەرگە الساق دەگىم كەلەدى.
توعانباي قۇلمان ۇلى,
ارداگەر جۋرناليست
