«قازاقستان رەسپۋبليكاسى 2020 جىلعى 27 قىركۇيەكتە تاۋلى قاراباقتا ورىن العان ارميان-ازەربايجان قاقتىعىسىنىڭ ۋشىعۋىنا اسا الاڭداۋشىلىعىن بىلدىرەدى.
بىزگە دوستاس ازەربايجان رەسپۋبليكاسى مەن ارمەنيا رەسپۋبليكاسىن جاعدايدى تۇراقتاندىرۋ ءۇشىن بارلىق شارالاردى قابىلداۋعا, كۇش قۇرالدارىن پايدالانۋدان باس تارتۋعا جانە ماسەلەنى كەلىسسوزدەر ارقىلى شەشۋگە شاقىرامىز. حالىقارالىق ۇيىمداردىڭ الاڭدارىندا جانجالدى شەشۋدىڭ بەيبىت جولدارىن ىزدەۋگە كومەكتەسۋگە دايىنبىز. اوسشك قازىرگى توراعاسى رەتىندە كەڭەستىڭ سەنىم شارالارى پاكەتىن پايدالانۋدى ۇسىنامىز», دەلىنگەن مينيسترلىكتىڭ مالىمدەمەسىندە.
ەسكە سالا كەتەيىك, وتكەن جەكسەنبىدە ازەربايجان مەن ارمەنيا اسكەريلەرى قاقتىعىسىپ قالدى. Trend.az اگەنتتىگىنىڭ حابارلاۋىنشا, ازەربايجاندىق ساربازدار ارمەنيا تاراپى باسىپ العان بىرقاتار ەلدى مەكەن مەن ماڭىزدى نىساندى ازات ەتكەن.
ازەربايجاننىڭ قورعانىس مينيسترلىگى ارمەنيانىڭ اۋە كۇشتەرى قاراباقپەن شەكاراداعى ەلدى مەكەندەردى اتقىلاعانىن حابارلادى. وسى مالىمەتتەرگە سايكەس, بەيبىت تۇرعىندار اراسىندا قازا تاپقاندار بار. ارمەنيانىڭ قورعانىس مينيسترلىگىنىڭ مالىمدەۋىنشە, قاراباققا اۋەدەن شابۋىل جاسالعان.
ارمەنيا ازەربايجاننىڭ ەكى تىكۇشاعى مەن ءۇش ۇشاعىن جويعانىن حابارلادى. ال ازەربايجاننىڭ اسكەريلەرى 12 ارميان زەنيت كەشەنىن جويعانىن مالىمدەدى. وسى وقيعاعا بايلانىستى تاۋلى قاراباق ومبۋدسمەنى تاراپتاردى سابىر ساقتاپ, ساق بولۋعا شاقىردى.
