ايماقتار • 27 قىركۇيەك، 2020

پاۆلودارلىق ستۋدەنت اۆسترياعا جولداما الدى

22 رەت كورسەتىلدى

بۇل تۋرالى وبلىستىق ءبىلىم بەرۋ باسقارماسىنىڭ باسشىسى ءدىنيسلام بولاتحان ۇلى Instagram پاراقشاسىندا جاريالادى، دەپ حابارلايدى Egemen.kz.

"جارىسقا 2800-دەن استام ادام قاتىستى. اتالمىش چەمپيوناتتىڭ جىل وتكەن سايىن ماڭىزى كۇشەيىپ، قاتىسۋشىلاردىڭ سانى ارتۋدا. قازاقستان اتىنان "ۆەب-ديزاين جانە وڭدەۋ" قۇزىرەتتىلىگى بويىنشا پاۆلودار اقپاراتتىق تەحنولوگيالار كوللەدجىنىڭ تۇلەگى، ال قازىر "تورايعىروۆ ۋنيۆەرسيتەتى" اق ستۋدەنتى دينا افاناسەۆا باق سىنادى. جاس كاسىپقوي ەۋرازيالىق چەمپيوناتتا ءبىرىنشى ورىن الىپ، 2021 جىلدىڭ كوكتەمىندە وتەتىن ەۋروپالىق WorldSkills-كە قاتىسۋ ءۇشىن اۆسترياعا جولداما الدى"، دەپ جازدى ءدىنيسلام بولاتحان ۇلى.

باسقارما باسشىسىنىڭ ايتۋىنشا، قازاقستان وكىلدەرىنىڭ ەۋرازيالىق چەمپيوناتقا قاتىسۋى - ەلدەگى قوزعالىستى ودان ءارى دامىتۋ جانە تجكب جۇيەسىنە وزىق پراكتيكالار مەن WorldSkills قۇرالدارىن ەنگىزۋ ءۇشىن WorldSkills Russia-مەن ۇزاق مەرزىمدى ىنتىماقتاستىقتىڭ جالعاسى.

قازاقستان قۇراماسى 2017 جىلدان باستاپ جىل سايىن WorldSkills Russia ۇلتتىق چەمپيوناتىنىڭ فينالىنا قاتىسادى. قازاقستاننىڭ جاس كاسىپقويلارى چەمپيوناتتا توعىز قۇزىرەتتىلىك بويىنشا سىنعا ءتۇسىپ ءجۇر.

دينا افاناسەۆا اتاپ وتكەندەي، حالىقارالىق چەمپيوناتقا قاتىسۋ ءوزىنىڭ پراكتيكالىق داعدىلارىن دامىتۋعا جانە تەوريالىق بىلىمدەرىن نىعايتۋعا عانا ەمەس، سونىمەن قاتار باسقا ەلدەردىڭ قاتىسۋشىلارىمەن جانە ساراپشىلارىمەن ۇزدىك تاجىريبەلەر جانە قۇرالدارمەن الماسىپ، حالىقارالىق تاجىريبە الۋعا مۇمكىندىك بەرەدى.

سوڭعى جاڭالىقتار

ۇقساس جاڭالىقتار