ايماقتار • 27 قىركۇيەك، 2020

قارۋى بار 2 215 ازاماتتىڭ ساقتىعى تەكسەرىلدى

18 رەت كورسەتىلدى

سولتۇستىك قازاقستان وبلىسىندا ۇشكۇندىك «قارۋ» وپەراتسياسىنىڭ بارىسىندا مىلتىق ۇستايتىن 2 215 ادام تەكسەرىلىپ، ولاردىڭ ىشىنەن قارۋى تالاپقا ساي قاۋىپسىز جەردە ۇستالماعان 72 قارۋ الىندى، دەپ حابارلايدى Egemen.kz.

بۇل تۋرالى سقو پد اكىمشىلىك پوليتسياسىنىڭ ازاماتتىق جانە قىزمەتتىك قارۋ اينالىسىن باقىلايتىن توبىنىڭ اعا ينسپەكتورى، پوليتسيا مايورى قۇرمان مۋسين حابارلادى.  ءۇش كۇندىك شارا وتكىزۋگە بارلىعى 800 پوليتسيا قىزمەتكەرى تارتىلعان. ولار بارلىق تەكسەرىلگەن 2215 ادامنىڭ ىشىنەن 79 ادامدى جاۋاپكەرشىلىككە تارتقان. سونىڭ ىشىندە 48 قارۋدى تالاپقا ساي ۇستاماعانى ءۇشىن جانە 31 قايتا تىركەۋ مەرزىمىن وتكىزىپ العانى ءۇشىن جاۋاپقا تارتقان. سونىمەن قاتار، جوعارىدا ايتقانىمىزداي، 72 قارۋدى تاركىلەگەن.

شال اقىن اۋداندىق پوليتسيا قىزمەتكەرلەرى وسى اۋداننىڭ كريۆوششەكوۆو سەلاسىندا تۇراتىن ءبىر تۇرعىنىنان زاڭسىز ساقتالعان مىلتىق الدى. ازامات ونى تاۋىپ الدىم دەگەنىمەن 200 اەك كولەمىندە ايىپپۇل سالىناتىن حاتتاما تولتىرىلدى جانە قارۋ تاركىلەندى.

اكىمشىلىك پوليتسياسىنىڭ ازاماتتىق جانە قىزمەتتىك قارۋ اينالىسىن باقىلايتىن توبىنىڭ قىزمەتكەرلەرى ازاماتتاردى قارۋ تاۋىپ العان بولسا «102» تەلەفونىنا حابارلاسۋ كەرەكتىگىن ەسكەرتتى. ءتىپتى تاۋىپ الماي، ولگەن تۋىسقاندارىنان قالعان تىركەلمەگەن قارۋ بولسا دا پوليتسياعا حابارلاسۋ كەرەك. قارۋدى ءوز ەركىمەن تاپسىرۋ ادامداردى اكىمشىلىك جاۋاپكەرشىلىكتەن قۇتقارادى.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار