ساياسات • 27 قىركۇيەك، 2020

قر ءسىم باسشىسى وڭتۇستىك-وڭتۇستىك ىنتىماقتاستىق بويىنشا بۇۇ وتىرىسىندا ءسوز سويلەدى

16 رەت كورسەتىلدى

قازاقستاننىڭ سىرتقى ىستەر ءمينيسترى مۇحتار تىلەۋبەردى بۇۇ باس اسسامبلەياسىنىڭ 75-ءشى سەسسياسى اياسىندا كەدەيلىكتى ازايتۋ جانە وڭتۇستىك-وڭتۇستىك ىنتىماقتاستىعى بويىنشا بۇۇ جوعارى دەڭگەيدەگى وتىرىسىنا بەينەكونفەرەنتسيا رەجيمىندە قاتىستى. ءىس-شاراعا بۇۇ مۇشە-مەملەكەتەر سىرتقى ساياسي ۆەدومستۆولارىنىڭ باسشىلارى جانە بۇۇ باس حاتشىسىنىڭ ورىنباسارلارى قاتىستى، دەپ حابارلايدى Egemen.kz.

ءسوز سويلەۋ بارىسىندا قاتىسۋشىلار پاندەميانىڭ جاعىمسىز سالدارىنىڭ ءبىرى رەتىندە كەدەيلىك شەگىنەن تومەن ءومىر سۇرەتىن ادامدار سانىنىڭ ەداۋىر كوبەيۋىن اتاپ ءوتتى. بۇل «وڭتۇستىك» ەلدەرىنىڭ 2030 جىلعا دەيىنگى تۇراقتىڭ دامۋدىڭ جاھاندىق كۇن ءتارتىبىنىڭ ماقساتتارىنا جەتۋ جولىنداعى سوڭعى جىلدارى قول جەتكىزگەن جەتىستىكتەرىن جويۋ مۇمكىن.

وسىعان بايلانىستى مينيستر م.تىلەۋبەردى پرەزيدەنت قاسىم-جومارت توقاەۆتىڭ 2020 جىلعى مامىردا بۇۇ-نىڭ دامۋدى قارجىلاندىرۋ جونىندەگى فورۋمىندا جاريالاعان دەنساۋلىق ساقتاۋ سالاسىنا ينۆەستيتسيالاردى ۇلعايتۋ جانە ايماقتىق دامۋ جوبالارىن ىسكە اسىرۋدىڭ ورنىنا قارىز اۋىرتپالىعىن ازايتۋ سياقتى يننوۆاتسيالىق ۇسىنىستارىنا نازار اۋداردى.

قازاقستان وڭتۇستىك-وڭتۇستىك فورماتىنداعى ىنتىماقتاستىقتى دامىتۋ بويىنشا جاھاندىق كۇش-جىگەردى تولىقتاي قولدايدى. سوڭعى 20 جىل ىشىندە ەلىمىز نەگىزىنەن ورتالىق ازيا مەن اۋعانستاننىڭ ەكونوميكالىق الەۋەتىن نىعايتۋعا باعىتتالعان 500 ملن. اقش دوللاردان استام سوماعا دامۋعا رەسمي كومەك پەن گۋمانيتارلىق كومەك كورسەتتى. بۇل جۇمىستى جۇيەلەندىرۋ ءۇشىن KazAID ارنايى ۇلتتىق اگەنتتىگىن قۇرۋ بوينىشا جۇمىس جۇرگىزىلۋدە.

سوڭعى جاڭالىقتار

ۇقساس جاڭالىقتار