ەلوردا • 27 قىركۇيەك، 2020

نۇر-سۇلتاندا تۇنگى كلۋبتا كوڭىل كوتەرگەندەر ۇستالدى

17 رەت كورسەتىلدى

ويىن-ساۋىق مەكەمەسىندە ايىپپۇل سالىندى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

ءتارتىپ ساقشىلارى «اۋرا» تۇنگى كلۋبىنان تۇندە تىنىشتىقتى بۇزىپ، كاليان تۇتىنعان 65 ادامدى پوليتسياعا جەتكىزدى. كارانتيندى بۇزعانى ءۇشىن ويىن-ساۋىق مەكەمەسىنىڭ يەلەرى ايىپپۇل تولەيدى.

«26 قىركۇيەك كۇنى ساعات 01: 33-تە «102» پۋلتىنە بەلگىسىز ادامداردان بىرنەشە رەت تەلەفون حابارلامالارى كەلىپ ءتۇستى. ولار نۇر-سۇلتان قالاسى، تۇران كوشەسى، 2 ت.ج.، «اۋرا» تۇنگى كلۋبىندا جاستار شۋ شىعارىپ، تىنىشتىقتى بۇزعانىنا شاعىمداندى. بۇل فاكتىنى تەكسەرۋگە 10 ۋچاسكەلىك پوليتسيا ينسپەكتورى، 25 جەدەل ارەكەت ەتۋ جاساعى، 8 «ۇشقىن» ەكيپاجى - 16 ينسپەكتور، ەسىل اۋدانىنىڭ پوليتسيا باسقارماسىنىڭ جەدەل تەرگەۋ توبى قاتىستى. تەكسەرۋ كەزىندە جەدەل تەرگەۋ توبى بۇل بۇزۋشىلىقتى فوتو جانە ۆيدەو جازبا ارقىلى تىركەدى. تۇندە تىنىشتىقتى، سونداي-اق كارانتين رەجيمىن بۇزعانى ءۇشىن 65 ازامات پوليتسياعا جەتكىزىلدى»، - دەپ حابارلادى ەسىل اۋداندىق پوليتسيا باسقارماسى.

ءتارتىپ بۇزۋشىلارعا قاتىستى 65 اكىمشىلىك حاتتاما جاسالدى، ونىڭ 63-ءى تۇنگى ۋاقىتتا تىنىشتىقتى بۇزعانى، ەكەۋى كاليان شەككەنى ءۇشىن. سونداي-اق «ۇشقىن» ەكيپاجدارى ماس كۇيىندە كولىك جۇرگىزۋدىڭ ءتورت فاكتىسىن جانە اۆتوكولىكتى قۇجاتسىز جۇرگىزۋدىڭ ءبىر فاكتىسىن انىقتادى.

«اۋرا» تۇنگى كلۋبىنىڭ اكىمشىلىگىنە حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭنامانىڭ تالاپتارىن، سونداي-اق گيگيەنالىق نورماتيۆتەردى بۇزعانى ءۇشىن ايىپ تاعىلدى.

«اۋرا» تۇنگى كلۋبىنا، جك «الانيا» ديرەكتورى ۋسمانوۆا دينارا ەربولاتقىزىنا قاتىستى جينالعان ماتەريالدى زاڭدى پروتسەدۋرالىق شەشىم قابىلداۋ ءۇشىن نۇر-سۇلتان قالاسى ەسىل اۋدانىنىڭ تاۋارلار مەن قىزمەتتەردىڭ ساپاسىن مەن قاۋىپسىزدىگىن باقىلاۋ باسقارماسىنا جىبەرۋ جوسپارلانىپ وتىر»، - دەلىنگەن حابارلامادا.

ايتا كەتۋ كەرەك، بۇعان دەيىن تۇنگى كلۋبتىڭ يەسىنە كارانتين رەجيمىن بۇزعانى ءۇشىن التى رەت ايىپپۇل سالىنعان بولاتىن.

سوڭعى جاڭالىقتار

ۇقساس جاڭالىقتار