قازاقستان • 27 قىركۇيەك، 2020

بۇگىن – ەڭبەك كۇنى

41 رەت كورسەتىلدى

بۇگىن – 27 قىركۇيەكتە قازاقستاندا ەڭبەك كۇنى تويلانادى. وسىدان 7 جىل بۇرىن ەلباسى نۇرسۇلتان نازارباەۆتىڭ قىركۇيەكتىڭ سوڭعى جەكسەنبىسىن "ەڭبەك كۇن" دەپ بەكىتكەنى ءمالىم، دەپ حابارلايدى Egemen.kz.

ەڭبەك كۇنى قازاقستاننىڭ تۇڭعىش پرەزيدەنتى – ەلباسىنىڭ 2013 جىلعى 22 قازانداعى №698 جارلىعىمەن قوعامداعى ادام ەڭبەگىنىڭ بەدەلىن وسىرۋگە، ءوندىرۋشى ەڭبەكتى ىنتالاندىرۋعا، جۇمىس ماماندىقتارىن ناسيحاتتاۋعا جانە ءوندىرىس سالاسىنا جاستاردى تارتۋعا، جۇمىس اۋلەتىندەگى كوپجىلدىق ءداستۇردى نىعايتۋ ماقساتىندا جالپىعا ورتاق ەڭبەك قوعامىن قۇرۋ يدەياسىن نىعايتۋ شەڭبەرىندە بەلگىلەندى.

سونىمەن قاتار، "ەڭبەك ارداگەرى" مەدالى بەكىتىلدى. ماراپات ەڭبەك قىزمەتىندە جوعارى ناتيجەگە قول جەتكىزگەن ءوندىرىس وزاتتارىنا، ەڭبەك ءوتىلى 40 جىلدان اسقان، ءبىر سالاعا كەمىندە 10 جىل ەڭبەك سىڭىرگەن جۇمىسشىلارعا بەرىلەدى.

ايتا كەتەيىك، ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ەڭبەك كۇنىمەن قازاقستاندىقتاردى قۇتتىقتادى.

سوڭعى جاڭالىقتار

ۇقساس جاڭالىقتار