ۇكىمەت • 25 قىركۇيەك، 2020

ۇكىمەت قاۋلىسىمەن بەكىتىلگەن تەگىن ۆاكتسينالاۋ كىمدەرگە ەگىلەدى؟

49 رەت كورسەتىلدى

ۇكىمەت قاۋلىسىمەن كەپىلدەندىرىلگەن تەگىن مەديتسينالىق كومەك شەڭبەرىندە پروفيلاكتيكالىق ۆاكتسينالاۋعا ءتيىس اۋرۋلاردىڭ تۇرلەرى بەكىتىلدى، دەپ حابارلايدى Egemen.kz

سونىمەن قاتار قۇجاتتا ەگۋ مەرزىمدەرى مەن ونىڭ كىمدەرگە جاسالاتىنى كورسەتىلدى.

قاۋلىعا سايكەس، كەلەسى ينفەكتسيالىق جانە پارازيتتىك اۋرۋلارعا قارسى مىندەتتى پروفيلاكتيكالىق ەكپەلەر (ۆاكتسينالار مەن باسقا دا يممۋندىق بيولوگيالىق پرەپاراتتاردى سالۋ) رەسپۋبليكالىق بيۋدجەت قاراجاتى ەسەبىنەن جۇرگىزىلەدى:

1) جوسپارلى پروفيلاكتيكالىق ەكپەلەر:

"ۆ" ۆيرۋستى گەپاتيتى;

b ءتيپتى گەموفيلدىك ينفەكتسيا;

ديفتەريا;

كوكجوتەل;

قىزىلشا;

قىزامىق;

پنەۆموكوكك ينفەكتسياسى;

پوليوميەليت;

سىرەسپە;

تۋبەركۋلەز;

ەپيدەميالىق پاروتيت; 

2) ەپيدەميالىق كورسەتىلىمدەر بويىنشا پروفيلاكتيكالىق ەكپەلەر:

قۇتىرما;

ءىش سۇزەگى;

كوكتەمگى-جازعى كەنە ەنتسەفاليتى;

وبا.

ال كەلەسى ينفەكتسيالىق اۋرۋلارعا قارسى ەپيدەميالىق كورسەتىلىمدەر بويىنشا مىندەتتى پروفيلاكتيكالالىق ەكپەلەر (ۆاكتسينالار مەن باسقا دا يممۋندىق بيولوگيالىق پرەپاراتتاردى سالۋ) جەرگىلىكتى بيۋدجەتتەردىڭ قاراجاتى ەسەبىنەن جۇرگىزىلەدى:

"ا" ۆيرۋستى گەپاتيتى;

تۇماۋ;

كۇيدىرگى;

تۋليارەميا.

پروفيلاكتيكالىق ەكپەلەر تەگىن جاسالاتىن حالىق ساناتى:

1)مىندەتتى پروفيلاكتيكالىق ەكپەلەر جۇرگىزۋ بەلگىلەنگەن مەرزىمدەرگە سايكەس جاسى بويىنشا ادامدار;

2) ينفەكتسيالىق اۋرۋلاردىڭ (كوكتەمگى-جازعى كەنە ەنتسەفاليتى، كۇيدىرگى، تۋليارەميا، وبا) تابيعي وشاقتارىندا تۇراتىن جانە جۇمىس ىستەيتىن تۇرعىندار;

3) ءوزىنىڭ كاسىبي قىزمەتىنىڭ ءتۇرى بويىنشا قاتەر توپتارىنا جاتاتىن ادامدار:

مەديتسينا قىزمەتكەرلەرى ("ۆ" ۆيرۋستى گەپاتيتى، تۇماۋ);

كارىز جانە تازالاۋ قۇرىلىستارىنىڭ قىزمەتكەرلەرى ء(ىش سۇزەگى);

4) ءوز دەنساۋلىعىنىڭ جاعدايى بويىنشا قاتەر توپتارىنا جاتاتىن ادامدار، ونىڭ ىشىندە:

قان قۇيىلعان ادامدار ("ۆ" ۆيرۋستى گەپاتيتى);

مەديتسينالىق ۇيىمدا ديسپانسەرلىك ەسەپتە تۇرعان بالالار (تۇماۋ);

5) بالالار ۇيلەرىنىڭ، سابيلەر ۇيلەرىنىڭ بالالارى، قارتتار ۇيلەرىنىڭ كونتينگەنتى (تۇماۋ);

6) كەز كەلگەن جانۋار تىستەگەن، سىلەكەيىن جاققان ادامدار (قۇتىرما);

7) جاراقات العان، تەرى قاباتتارى مەن شىرىشتى قابىقتارىنىڭ تۇتاستىعى بۇزىلىپ جارالانعان ادامدار (سىرەسپە);

8) ۆاكتسينالاۋ ەپيدەميالىق كورسەتىلىمدەر بويىنشا جۇرگىزىلەتىن ينفەكتسيالىق سىرقاتتانۋ دەڭگەيى جوعارى وڭىرلەردە تۇراتىن ادامدار ("ا" ۆيرۋستى گەپاتيتى، تۇماۋ، قىزىلشا، قىزامىق، ەپيدەميالىق پاروتيت).

پروفيلاكتيكالىق ەكپەلەردى جۇرگىزۋ مەرزىمدەرىن مىنا سىلتەمەدەن كورۋگە بولادى.

سوڭعى جاڭالىقتار

ۇقساس جاڭالىقتار