بيىل ەكىنشى توقساندا تابىسى ەڭ تومەنگى كۇنكورىس دەڭگەيىنە جەتپەيتىن ازاماتتار سانى 5,7 پايىزعا جەتكەن ء(بىر جىل بۇرىن – 4,3% بولعان). بۇل 2011 جىلدان بەرگى ەڭ ناشار كورسەتكىش. ماماندار مۇنىڭ باستى سەبەبىن ەلدەگى توتەنشە جاعداي مەن كارانتين رەجيمىنىڭ ەنگىزىلۋىمەن بايلانىستىرادى. ويتكەنى, وسى ۋاقىت ارالىعىندا قازاقستانداعى ەكونوميكالىق بەلسەندىلىك كۇرت تومەندەگەن. ايتا كەتەيىك, 2020 جىلدىڭ ەكىنشى توقسانىندا ەڭ تومەنگى كۇنكورىس دەڭگەيى رەسپۋبليكادا 32,6 مىڭ تەڭگەنى قۇرادى.
وسىلايشا, ايلىق تابىسى 32,6 مىڭ تەڭگەدەن اسپايتىن قازاقستاندىقتاردىڭ سانى 1,1 ميلليون ادامعا جەتىپ وتىر. بۇرىنعىشا قالا تۇرعىندارى مەن اۋىل تۇرعىندارى تابىسىنىڭ ايىرماسى وتە الشاق. ەكىنشى توقساندا تابىسى ەڭ تومەنگى كۇنكورىس دەڭگەيىنە جەتپەيتىن اۋىلدىقتار 7,8 پايىزدى قۇراسا, قالالىقتار – 4,2 پايىز.
كەدەيلىكتىڭ شەگىنە جەتكەندەر سانى ەلىمىزدىڭ بارلىق وڭىرىندە وسكەن. كوش باسىندا تۇركىستان وبلىسى – 12,8%, سقو – 7,4%, جامبىل وبلىسى – 6,9%, قىزىلوردا وبلىسى – 6,9% جانە اقمولا وبلىسى – 6,7%. وسى بەس وبلىستاعى كەدەيلىكتە ءومىر ءسۇرىپ جاتقان تۇرعىنداردىڭ جالپى سانى 481,8 مىڭ ادامعا جەتكەن.
