ايماقتار • 25 قىركۇيەك، 2020

الماتىدا مۇقتاج وتباسىلاردىڭ ۇيلەرى تەگىن گازداندىرىلادى

32 رەت كورسەتىلدى

الماتىدا مۇقتاج وتباسىلاردىڭ ۇيلەرى تەگىن گازداندىرىلادى. بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسىنىڭ ناۋرىزباي اۋدانى اكىمىنىڭ ورىنباسارى باعلان داندىباەۆ مالىمدەدى، دەپ حابارلايدى Egemen.kz

بۇگىندە قالا اكىمدىگى حالىقتىڭ الەۋمەتتىك از قامتىلعان توپتارىنان شىققان ازاماتتاردى گازبەن قامتاماسىز ەتۋ بويىنشا كەشەندى شارالار جۇرگىزىپ جاتىر. جەڭىلدىكپەن نەسيەلەندىرۋ نەمەسە تەگىن نەگىزدە جۇزەگە اسىرماق.

"بيىل ءبىز 28 وتباسىعا تەگىن گاز جۇرگىزدىك. گازبەن جابدىقتاۋمەن تاعى 46 ءۇيدى قامتۋدى جوسپارلاپ وتىرمىز. جالپى بۇگىنگى كۇنى ناۋرىزباي اۋدانىندا 310-عا جۋىق گازداندىرىلماعان ءۇي بار"، دەدى باعلان داندىباەۆ.

گازداندىرىلماعان ۇيلەردىڭ باسىم بولىگى ماۋسىمدىق ۇيلەر بولاتىنىن جانە ساياجاي رەتىندە پايدالانىلاتىنىن اتاپ ءوتتى. ەستەرىڭىزگە سالا كەتەيىك، بۇعان دەيىن الماتى قالاسىندا باقىتجان ساعىنتاەۆتىڭ باستاماسى بويىنشا Halyk Bank-پەن بىرلەسىپ، تۇرعىن ۇيلەردى گازداندىرۋدى جەڭىلدىكپەن نەسيە بەرۋ بويىنشا جاڭا باعدارلاما ازىرلەندى.

باعدارلاما − الماتى قالاسىنىڭ تۇرعىندارىنا گازدى قوسۋ ءۇشىن پايىزسىز نەسيە بەرۋگە مۇمكىندىك بەرەدى. جوبا حالىقتىڭ الەۋمەتتىك از قامتىلعان توپتارى ساناتىنىڭ تۇرعىندارى ءۇشىن جانە ءوز تۇرعىن ءۇيىن گازداندىرعىسى كەلەتىن قالعان الماتىلىقتار ءۇشىن كەڭ قامتۋعا ارنالعان.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار