اۋا رايى • 24 قىركۇيەك، 2020

جەل مەن ۇسىك: ەلىمىزدىڭ 7 وڭىرىندە اۋا رايىنا قاتىستى ەسكەرتۋ جاسالدى

216 رەت كورسەتىلدى

ەرتەڭ، 25 قىركۇيەكتە قازاقستاننىڭ 7 وبلىسىندا جەل مەن ۇسىككە بايلانىستى ەسكەرتۋ جاريالاندى، دەپ حابارلايدى Egemen.kz. بۇل تۋرالى "قازگيدرومەت" مالىمدەدى.

كۇندىز اتىراۋ وبلىسىنىڭ كەي جەرلەرىندە جەلدىڭ ەكپىنى سەكۋندىنا 15-20 مەترگە جەتەدى.

اقمولا وبلىسىندا كەي جەرلەردە تۇمان تۇسەدى. سولتۇستىك-باتىستان جەل سوعىپ، ونىڭ ەكپىنى سەكۋندىنا 15-20 مەترگە جەتەدى.

پاۆلودار وبلىسىندا سولتۇستىك-باتىستان سەكۋندىنا 15-20 مەتر جىلدامدىقپەن جەل سوعادى. پاۆلوداردا سولتۇستىك-باتىستان جەل سوعىپ، ونىڭ ەكپىنى سەكۋندىنا 17 مەترگە جەتەدى.

قاراعاندى وبلىسىندا كەي جەرلەردە تۇمان تۇسەدى. سولتۇستىك-باتىس جانە سولتۇستىكتەن جەل سوعىپ، كەي جەرلەردە ونىڭ ەكپىنى سەكۋندىنا 15-20 مەترگە جەتەدى. قاراعاندىدا دا تۇمان تۇسەدى.

قوستاناي وبلىسىندا كەي جەرلەردە تۇمان تۇسەدى. تۇندە كەي جەرلەردە اۋا تەمپەراتۋراسى 2 گرادۋسقا دەيىن تومەندەپ، ۇسىك ءجۇرۋى مۇمكىن.

25-27 قىركۇيەك ارالىعىندا تۇندە قىزىلوردا وبلىسىندا اۋا تەمپەراتۋراسى 1-3 گرادۋسقا دەيىن تومەندەپ، ۇسىك جۇرەدى.

سونىمەن قاتار، 24-26 قىركۇيەك ارالىعىندا شىعىس قازاقستان وبلىسىنىڭ تاۋلى وزەندەرىندە سۋ دەڭگەيى كوتەرىلىپ، اعىن سۋ ءجۇرۋى ىقتيمال.

سوڭعى جاڭالىقتار

ۇقساس جاڭالىقتار