ساياسات • 24 قىركۇيەك، 2020

قازاقستان ەلشىسى مىسىر پرەزيدەنتىنە سەنىم گراموتالارىن تاپسىردى

11 رەت كورسەتىلدى

قازاقستان رەسپۋبليكاسىنىڭ ەلشىسى قايرات لاما شاريف ء«ال-يتتيحاديا» پرەزيدەنتتىك سارايىندا مىسىر اراب رەسپۋبليكاسىنىڭ پرەزيدەنتى ابدەل فاتتاح اس-سيسيگە سەنىم گراموتالارىن تاپسىردى. سالتاناتتى راسىمدە قازاقستاندىق ديپلومات مەملەكەت باسشىسى قاسىم-جومارت توقاەۆتىڭ ىزگى تىلەكتەرىن جەتكىزدى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

ءوز كەزەگىندە مىسىر پرەزيدەنتى ەلشى ق.لاما شاريفقا جاڭا جاۋاپتى قىزمەتىنە تابىستار تىلەي وتىرىپ، قازاقستان باسشىلىعىنا دوستىق لەبىزدەرىن ءبىلدىردى.

مىسىر پرەزيدەنتىنە ەۋروپا وداعى، بەلگيا، دانيا، نيدەرلاند، پورتۋگاليا، ماجارستان، كورەيا رەسپۋبليكاسى، يزرايل، سۋدان، بانگلادەش، ەفيوپيا، ۋرۋگۆاي، لەسوتو ەلشىلەرى جانە ۆاتيكان ءنۋنتسيى دە سەنىم گراموتالارىن تاپسىردى.

سوڭعى جاڭالىقتار

ۇقساس جاڭالىقتار