ايماقتار • 24 قىركۇيەك، 2020

اقتوعايدىڭ اۋىلدارىنا قاشان تازا سۋ كەلەدى؟

15 رەت كورسەتىلدى

وڭىرلىك كوممۋنيكاتسيالار قىزمەتىنىڭ ونلاين فورماتتا وتكىزگەن ءباسپاسوز ءماسليحاتىندا اۋدان اكىمى قارشىعا ارىنوۆ اۋداندا ورتالىقتاندىرىلعان سۋ جۇيەسىنە تۇرعىنداردىڭ 87،5 پايىزى قوسىلعانىن ايتتى، دەپ حابارلايدى Egemen.kz.

"بۇگىنگى كۇنى ورتالىقتاندىرىلعان سۋ جۇيەسىنە 2277 اۋلانىڭ 1992-ءسى قوسىلدى"،-دەيدى اكىم.

بىراق بۇل مالىمەت تۇسىنىكسىز، بۇل اۋدان ورتالىعىنداعى اۋلالار سانى بولۋ كەرەك. اۋدان ورالىعىندا 7 مىڭداي حالىق تۇرادى. سونىمەن بىرگە 7 اۋىلدىق اۋماق ورتالىقتاندىرىلعان سۋمەن قامتىلعان. ناقتى قاي اۋىلدار ەكەنى  ايتىلماعان.

ال 200-دەن از تۇرعىنى بار 12 اۋىلدا كەشەندى بلوك مودۋلدەن سۋ ىشەدى.

"قازىر 825 ادام تۇراتىن 230 اۋلاسى بار مۇتكەنوۆ اۋىلى مەن 359 ادام تۇراتىن 106 اۋلاسى بار حاركوۆكا اۋىلىندا سۋ قۇبىرلارىنىڭ قۇرىلىسى جۇرگىزىلۋدە. جوسپار بويىنشا قۇرىلىس جۇمىستارى 2021 جىلدىڭ تامىز ايىندا اياقتالادى"، - دەدى قارشىعا ارىنوۆ.

اۋداننىڭ 14 اۋىلدىق اۋماعىندا بلوك مودۋلدەر جانە تاعى 12 اۋىلدا شاعىن بلوك مودۋلدەر جۇمىس ىستەيدى. بيىل تازا اۋىزسۋمەن قامتۋ نىساندارىن ۇستاپ، كۇتۋگە اۋدان بيۋدجەتىنەن 70 ميلليون 700 مىڭ تەڭگە ءبولىندى. سۋ جەلىلەرىنىڭ جالپى ۇزىندىعى 184،2 شاقىرىمدى قۇرايدى"، - دەدى اۋدان اكىمى.

ال "اقتوعاي-سەرۆيس" مەكەمەسىنىڭ سۋدى تاراتۋ جەلىلەرى ارقىلى بەرۋ قىزمەتى بويىنشا تاريف جەكە تۇلعالار ءۇشىن 134،14 تەڭگە/م3، زاڭدى تۇلعالار ءۇشىن 207،35 تەڭگە/م3. سۋدى كەشەننەن بەرۋ ءتاريفى ليترگە 1،5 تەڭگەنى قۇرايدى. اۋداندا 12 264 حالىق تۇرادى، 3452 ءۇي اۋلادان تۇراتىن 31 اۋىل بار.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار