06 قاراشا، 2013

قوس التايدىڭ كوكجيەگى قاشاندا كەڭ

130 رەت كورسەتىلدى

وتكەن جۇما كۇنى رەسەيدىڭ التاي ولكەسىنىڭ گۋبەرناتورى الەكساندر كارلين باستاعان دەلە­گاتسيا شىعىس قازاقستان وبلى­سى­نىڭ گلۋبوكوە اۋدانى مەن وسكەمەندەگى بىرقاتار سالىنىپ جات­قان الەۋمەتتىك نىسانداردى ارالادى، ەكى جاققا دا ءتيىمدى مە­مو­راندۋمعا قول قويدى. ەڭ الدى­مەن، ءوڭىر باسشىسى بەردىبەك سا­پارباەۆ پەن كەلگەن قوناقتار التاي ولكەسىنىڭ پوسپەليحا-كۋريا-ترە­تياكوۆو-قازاقستان شەكاراسىن جال­عاستىرىپ جاتقان كۇرەجولدىڭ سال­تاناتتى اشىلۋىنا قاتىستى.

 

وتكەن جۇما كۇنى رەسەيدىڭ التاي ولكەسىنىڭ گۋبەرناتورى الەكساندر كارلين باستاعان دەلە­گاتسيا شىعىس قازاقستان وبلى­سى­نىڭ گلۋبوكوە اۋدانى مەن وسكەمەندەگى بىرقاتار سالىنىپ جات­قان الەۋمەتتىك نىسانداردى ارالادى، ەكى جاققا دا ءتيىمدى مە­مو­راندۋمعا قول قويدى. ەڭ الدى­مەن، ءوڭىر باسشىسى بەردىبەك سا­پارباەۆ پەن كەلگەن قوناقتار التاي ولكەسىنىڭ پوسپەليحا-كۋريا-ترە­تياكوۆو-قازاقستان شەكاراسىن جال­عاستىرىپ جاتقان كۇرەجولدىڭ سال­تاناتتى اشىلۋىنا قاتىستى.

170 شاقىرىمدىق جول 20 جىل بويى جوندەۋدەن وتپەي ەكى ەل اراسىنداعى بارىس-كەلىسكە كەدەرگى كەلتىرسە، ەندى جول تاق­تاي­داي تەگىس. التاي ولكەسى 9 شاقى­رىمدىق جولدى جوندەۋگە عانا 238،5 ميلليون ءرۋبلدى بيۋد­جەتتەن ءبولىپتى. وبلىس اكى­مى سالتاناتتى جيىندا كەلگەن قوناقتارعا ءىلتيپات ءبىلدىرىپ، جاڭا جولدىڭ ەكى ەل اراسىنداعى ساۋدا-ساتتىقتى جانداندىرىپ قانا قويماي، ءتۋريزمنىڭ دامۋىنا ىقپال جاسايتىنىنا توقتالا كەتتى.

التاي ولكەسىنىڭ دەلەگاتسيا­سى شەمونايحا قالاسىنداعى ونەر مەكتەبىندە، گلۋبوكوە اۋدا­نىنداعى بوبروۆكا اۋىلىنداعى سيىردى روبوتپەن ساۋاتىن كەشەندە، وسكەمەندە جاڭادان پايدالانۋعا بەرىلگەن، تمد ەلدە­رىندە تەڭدەسى جوق قۇس ەتىن تەرەڭدەتىپ وڭدەيتىن زاۋىت­تا، فەرمەرلەرگە ارنالعان «فرەش-ماركەت» ساۋدا ۇيىندە، جەڭىل اتلەتتەر جانە جەكپە-جەك سارايى قۇرىلىسىن ارالاپ كورىپ، وسكەمەندەگى وركەندى وزگەرىس­تەرگە جوعارى باعا بەردى. شىعىس قازاقستاندا وندىرىلەتىن ازىق-ت ۇلىك بۇدان بىلاي رەسەيدىڭ ال­تاي ولكەسىنە ەش كەدەرگىسىز ءجو­نەل­تىلمەك. بۇل ەكى ەل اراسىنداعى ساۋ­دا-ساتتىق كولەمىن ارتتىرۋعا ايتارلىقتاي ۇلەس بولىپ قوسىلادى.

وڭداسىن ەلۋباي،

«ەگەمەن قازاقستان».

وسكەمەن.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار