06 قاراشا، 2013

بيلىك ب ۇلىكشىلەردى كىنالاپ وتىر

124 رەت كورسەتىلدى

بىرىككەن ۇلتتار ۇيىمى بۇگىنگى تاڭدا سيريا حالقىنىڭ 40 پايىزى گۋمانيتارلىق كومەك الا الماي وتىر دەسە، بۇعان ەل بيلىگى ب ۇلىكشىلەر كىنالى دەپ مالىمدەدى. ويتكەنى، سيرياعا كەلىپ جاتقان گۋمانيتار­لىق كومەكتەر ب ۇلىكشىلەر شەكاراسىنان ءارى اسا الماۋدا كورىنەدى.

 

 

بىرىككەن ۇلتتار ۇيىمى بۇگىنگى تاڭدا سيريا حالقىنىڭ 40 پايىزى گۋمانيتارلىق كومەك الا الماي وتىر دەسە، بۇعان ەل بيلىگى ب ۇلىكشىلەر كىنالى دەپ مالىمدەدى. ويتكەنى، سيرياعا كەلىپ جاتقان گۋمانيتار­لىق كومەكتەر ب ۇلىكشىلەر شەكاراسىنان ءارى اسا الماۋدا كورىنەدى.

جالپى، قازىرگى تاڭدا سيريا حالقىنىڭ 6،5 ميلليونى ەل ىشىندەگى بوسقىندارعا اينالعان. سەبەبى، ەلدىڭ بىرقاتار اۋماقتارىندا تىنىشتىق جوق. الايدا، رەسمي بيلىك وزدەرىنىڭ وسى باعىتتا قولدارىنان كەلگەننىڭ ءبارىن جاساپ جاتقاندارىن كولدەنەڭ تارتادى. سونىڭ ءبىر ايعاعى رەتىندە ەلدەگى بۇلدىرشىندەردىڭ بارلىعى ۆاكتسيناتسيادان وتكىزىلمەكشى ەكەن. بۇۇ بولسا، اقش-تىڭ ايتقانىنان شىعا المايتىنىن بايقاتىپ، ەلدەگى كۇردەلى جاعدايدىڭ بارىنە تەك بيلىكتى كىنالى سانايدى.

 

كوتەرىلىسشىلەر جەڭىلىستەرىن مويىندادى

كونگوداعى م23 دەپ اتالاتىن كوتەرىلىسشىلەر توبى كونگو دەموكراتيالىق رەسپۋبليكاسى ۇكىمەتىنە قارسى سوعىستا وزدەرىنىڭ جەڭىلگەندەرىن مويىندادى. ولار تاراتقان مالىمدەمەدە جەڭىلىستەرىن مويىنداي كەلە، قارۋلى قاقتىعىستاردى تولىقتاي توقتاتاتىندارى جانە اسكەري بولىمشەلەردى تاراتاتىندارى كولدەنەڭ تارتىلادى.

كوتەرىلىسشىلەر مۇنداي مالىمدەمەلەرىن ەلدىڭ شىعىسىنداعى اۋىر ۇرىستاردان ءبىر كۇن وتكەن سوڭ جاسادى. وسى ارالىقتا ەل ۇكىمەتى م23-ءتى تولىق جەڭگەنى تۋرالى حابارلاپ ۇلگەردى. كوتەرىلىسشىلەر كونگونىڭ مينەرالدى رەسۋرستارعا باي اۋدانىندا وتكەن جىلى ءىس-قيمىل تانىتا باستاعان بولاتىن. ونىڭ نەگىزىن بيلەۋشى توپتارداعى وزدەرىنىڭ جاعدايلارىنا رازى ەمەس تۋتسي تايپاسىنان شىققان ادامدار قۇراعان ەدى. م23 بولىمشەلەرىن تالقانداۋعا وسى وڭىردە ورنالاسقان بۇۇ كونتينگەنتى كومەك قولىن سوزعانىن دا ايتا كەتەيىك.

 

كيم چەن ىننىڭ تاتەسى اقش-قا قاشتى

سولتۇستىك كورەيا باسشىسى كيم چەن ىننىڭ تاتەسى اقش-تان ساياسي باسپانا تاپقان. بۇل تۋرالى «فرانس-پرەسس» اگەنتتىگى حابارلادى. كيم چەن ىننىڭ شەشەسىنىڭ ءسىڭلىسى كو ەن سوك قازىرگى كەزدە اقش-تا تۇرىپ جاتىر ەكەن.

قۇراما شتاتتار سولتۇستىك كورەيا باسشىسى وتباسىنىڭ مۇشەسىن ەلدە قابىلداۋعا كەلىسىمىن بەرگەن. كەيبىر دەرەكتەرگە قاراعاندا، كيم چەن ىننىڭ تاتەسى مەن ونىڭ جۇبايىنا بەت-الپەتىن وزگەرتۋ بويىنشا وپەراتسيا دا جاسالىپتى. بۇعان قوسا، ارنايى قورعانىس باعدارلاماسى ۇسىنىلسا كەرەك. كو ەن سوك بۇگىندە 54 جاستا. ول كيم چەن ءيردىڭ ءۇشىنشى ايەلى كو ەن ءحيدىڭ ءسىڭلىسى بولىپ تابىلادى. كو ەن حي 2004 جىلى 51 جاسىندا راك اۋرۋىنان قايتىس بولىپتى.

 

وزبەكستاندىقتىڭ جازىعى نە ەكەن؟

وزبەكستاننان كەلگەن گاستاربايتەر كەشە سانكت-پەتەربۋرگتە ءولىم قۇشقان. وعان شابۋىل شامامەن ءتۇس اۋا «رىباتسكوە» مەترو ستانساسى جانىندا جاسالىپتى. وزبەكستاندىقتىڭ بىرنەشە پىشاق جاراقاتىنان قازا تاپقانى بەلگىلى بولىپ وتىر.

پوليتسياداعىلاردىڭ ايتۋىنشا، گاستاربايتەرگە ۇلتشىلدارعا ءتان كيىم كيگەن ادامدار شابۋىل جاساعان. تەرگەۋشىلەر قازىرگى كەزدە بەينەباقىلاۋ كامەرالارىنىڭ جازبالارىن قاراپ جاتسا كەرەك. بۇعان دەيىن حابارلانعانىنداي، دۇيسەنبىدە اتالىپ وتكەن حالىقتىق بىرلىك كۇنى سانكت-پەتەربۋرگتە 50-دەن استام ادام تۇتقىنعا الىنعان بولاتىن. ولار كوشەلەردەگى ۇلتى ورىس ەمەستەرگە قىر كورسەتىپ، وزدەرىن وتە-موتە ادەپسىز ۇستاعان ەدى.

 

كاسپاروۆ لاتۆيا ازاماتتىعىن سۇرادى

شاحماتتان بۇرىنعى الەم چەمپيونى گارري كاسپاروۆ وزىنە لاتۆيا ازاماتتىعى بەرىلۋىن سۇرادى. وسىعان سايكەس حاتتى لاتۆيا پارلامەنتىندەگى بارلىق فراكتسيالار العان. گ.كاسپاروۆ ءوزىنىڭ ءوتىنىشىن لاتۆياعا سىڭىرگەن ەرەكشە ەڭبەگىمەن بايلانىستىرادى.

بىراق بۇرىنعى الەم چەمپيونى وزىندەگى رەسەي ازاماتتىعىن دا ساقتاپ قالعىسى كەلەدى ەكەن. ال بۇل ماسەلە قاشان قارالاتىنى ازىرشە بەلگىسىز. گ.كاسپاروۆتىڭ 1963 جىلى باكۋدە تۋعانى بەلگىلى. ول – الەمدەگى اسا بەلگىلى جانە اتاقتى شاحماتشىلاردىڭ ءبىرى. سوڭعى جىلدارى ساياساتپەن بەلسەندى اينالىسىپ ءجۇر. قازىرگى كەزدە گ.كاسپاروۆ رەسەيدەن كەتىپ ۇلگەرگەن. سەبەبى، ونى تەرگەۋ كوميتەتى اڭگىمەگە شاقىرعان كورىنەدى. تەرگەۋ تاراپىنان شاحماتشىعا قاتىستى ناقتى قاي ماسەلە بويىنشا سۇراق تۋىنداعانى بەلگىسىز.

 

ءۇندىستان مارسقا اپپارات ۇشىردى

العاشقى ءۇندى اپپاراتى بار زىمىران مارسقا ۇشىرىلدى. ول «مانگاليان» دەپ اتالادى جانە اتالعان پلانەتانى زەرتتەۋ ءۇشىن ۇشىرىلىپ وتىر. اپپارات ۇشىرىلعاننان كەيىن 43 مينۋت وتكەن سوڭ زىمىراننان باعدارلاماعا سايكەس ءبولىنىپ شىقتى.

«مانگاليان» مارس تراەكتورياسىنا 30 قاراشا كۇنى شىعادى دەپ كۇتىلۋدە. اپپاراتتى ۇشىرۋ ءۇشىن ءۇندىستان عارىش اگەنتتىگى 1990-جىلداردىڭ باسىندا جاساعان PSLV زىمىران ۇشىرعىشى پايدالانىلعان. ءسويتىپ، ءۇندىستان قىزىل پلانەتاعا زەرتتەۋ اپپاراتىن ءوز بەتىنشە جاساپ ۇشىرعان اقش پەن رەسەيدەن كەيىنگى ءۇشىنشى مەملەكەت بولىپ وتىر. جەر سەرىگىنىڭ سالماعى 1 توننادان ءسال اسسا، عىلىمي اپپاراتۋرانىڭ سالماعى بار-جوعى 15 كيلوگرامم كورىنەدى. قالعان سالماق جانارماي مەن «مانگاليان» كورپۋسىنىڭ ۇلەسىندە.

 

ويعا العاندارى ورىندالمادى

تاراز شەكارا وتريادىنداعى «سىپاتاي باتىر» زاستاۆاسىنىڭ ناريادى قازاقستان-قىرعىزستان شەكاراسى ماڭىندا 8 باس يەسىز قالعان ءمۇيىزدى ءىرى قارا مالىن، دالىرەك ايتقاندا، بۇقالاقتاردى ۇستادى. وقيعا قازاقستاننىڭ مەملەكەتتىك شەكاراسىنان بىرنەشە مەتر جەردە عانا ورىن العان.

مالدى بەلگىسىز 2-3 سالت اتتى قىرعىزستاننان قازاقستانعا ايداپ وتپەكشى بولعان. بارىمتاشىلار بۇقالاقتاردى شەكارادان ەندى عانا ايداپ وتپەك بولعان كەزدە شەكارا ناريادىن كورىپ قالىپ، قىرعىزستان اۋماعىندا جاسىرىنعان. اتالعان فاكت بويىنشا قۇقىق قورعاۋ ورگاندارىنا حابار بەرىلدى، تەكسەرۋ جۇمىستارى باستالىپ كەتتى، دەپ حابارلادى قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ ءباسپاسوز قىزمەتى.

ينتەرنەت ماتەريالدارى نەگىزىندە ازىرلەندى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار