06 قاراشا، 2013

جەتى پاتەر كەرى قايتادى

137 رەت كورسەتىلدى

«بايتەرەك» ۇلتتىق باسقارۋشى حولدينگى» اق «قازاقستان تۇرعىن ءۇي-قۇرىلىس جيناق بانكى» اق ەنشىلەس مەكەمەسىمەن بىرلەسىپ «قولجەتىمدى باسپانا-2020» باعدارلاماسى اياسىندا بانك باسشىلارى مەن ولاردىڭ تۋىستارى «ايگەرىم» تۇرعىن ءۇي كەشەنىنەن العان پاتەرلەردى قايتارۋدا، دەپ حابارلادى «بايتەرەك» ۇبح» اق ءباسپاسوز قىزمەتى.

 

«بايتەرەك» ۇلتتىق باسقارۋشى حولدينگى» اق «قازاقستان تۇرعىن ءۇي-قۇرىلىس جيناق بانكى» اق ەنشىلەس مەكەمەسىمەن بىرلەسىپ «قولجەتىمدى باسپانا-2020» باعدارلاماسى اياسىندا بانك باسشىلارى مەن ولاردىڭ تۋىستارى «ايگەرىم» تۇرعىن ءۇي كەشەنىنەن العان پاتەرلەردى قايتارۋدا، دەپ حابارلادى «بايتەرەك» ۇبح» اق ءباسپاسوز قىزمەتى.

باعدارلاما بويىنشا پاتەر العانداردىڭ اراسىندا بانكتىڭ باسشىلارى مەن ولاردىڭ تۋىس­تارى بولىپ تابىلاتىن 9 ازامات انىقتالعان ەدى. ولاردىڭ جەتەۋى پاتەرلەردى ءوز ەركىمەن قايتارۋعا كەلىستى.

«بانك باسشىلارى مەن ولاردىڭ تۋىستارىنىڭ ءبارى دەرلىك پاتەرلەردى ءوز ەركىمەن قايتارۋعا ىقتيار ءبىلدىردى. قازىر ءبىز الماتى قالاسىنىڭ اكىمشىلىگىمەن بىرگە پاتەرلەردى قايتارۋدىڭ قۇقىقتىق تەتىكتەرىن قالىپتاستىرىپ جاتىرمىز. جاقىن ارادا بۇل پاتەرلەر باسپاناعا مۇقتاج ازامات­تارعا بەرىلەدى دەپ ويلايمىن. ال پاتەرلەردى ءوز ەركىمەن قايتارۋعا كەلىسپەي وتىرعان ەكى ازاماتقا قاتىستى سوتقا شاعىم تۇسىرىلەدى. ولارعا سوتقا دەيىنگى تالاپ-حات جىبەرىلدى»، – دەپ اتاپ ءوتتى «تۇرعىنۇي-قۇ­رىلىس­­جيناق­بانكى­نىڭ» جا­ڭادان تاعايىندالعان باسشىسى ايباتىر جۇماعۇلوۆ.

9 پاتەر «تۇرعىنۇي-قۇرىلىس­جيناقبانكىنىڭ» باسشىلارى مەن ولاردىڭ تۋىستارىنىڭ اراسىندا بولىسكە تۇسكەن. ولاردىڭ اراسىندا بانك باسقارماسىنىڭ بۇرىنعى توراعاسى، باسقارما توراعاسىنىڭ بۇرىنعى ەكى ورىنباسارى، بانكتىڭ الماتى وبلىستىق فيليالىنىڭ ديرەكتورى، الماتى قالالىق فيليالىنىڭ ديرەكتورى، ولاردىڭ تۋىستارى بار.

«ايگەرىم» تۇرعىن ءۇي كەشەنىن­دە پاتەر العان بانكتىڭ باسقا قىزمەتكەرلەرىنە قاتىستى قانداي دا ءبىر شارا قابىلدانبايدى. سە­بە­بى، ولار بانكتىڭ باسشىلىق قۇرامىنا كىرمەيدى جانە دە باس­پانانى باعدارلاما تالاپتارىنا ساي زاڭ شەڭبەرىندە العان.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار