نيدەرلاندى كورولدىگىندەگى گااگا قالاسىندا قازاقستان رەسپۋبليكاسىنىڭ وسى ەلدەگى ەلشىسى م.مىرزامەديەۆا ەقىۇ-نىڭ ۇلتتىق ازشىلىقتار ىستەرى جونىندەگى جاڭا جوعارعى كوميسسارى ا.تورس باستاعان كەڭسە وكىلدەرىمەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى.
نيدەرلاندى كورولدىگىندەگى گااگا قالاسىندا قازاقستان رەسپۋبليكاسىنىڭ وسى ەلدەگى ەلشىسى م.مىرزامەديەۆا ەقىۇ-نىڭ ۇلتتىق ازشىلىقتار ىستەرى جونىندەگى جاڭا جوعارعى كوميسسارى ا.تورس باستاعان كەڭسە وكىلدەرىمەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى.
كەزدەسۋ بارىسىندا قازاقستاندىق ديپلومات سۇحباتتاستارىن قازاقستان قوعامىنىڭ قازىرگى دامۋ كەزەڭى, ەل باسشىلىعىنىڭ ىشكى ساياسي تۇراقتىلىقتى قامتاماسىز ەتۋ, قازاقستاننىڭ كوپۇلتتى جانە كوپكونفەسسيالى حالقىن توپتاستىرۋ بويىنشا بەلگىلەگەن ۇزاق مەرزىمدى باسىمدىقتارى تۋرالى ەگجەي-تەگجەيلى اڭگىمەلەپ بەردى. 2011-2014 جىلدارعا ارنالعان ۇلتتىق ءبىرلىك دوكتريناسىنىڭ باستى قاعيداتتارى دا جان-جاقتى ءتۇسىندىرىلدى.
كەزدەسۋ كەزىندە تاراپتار قازاقستانداعى كونفەسسياارالىق جانە ەتنوسارالىق كەلىسىم سالاسىنداعى سوڭعى جەتىستىكتەر تۋرالى اقپاراتتارمەن الماستى. كەڭسە وكىلدەرىن قازاقستاندا وتكەن الەمدىك جانە ءداستۇرلى دىندەر كوشباسشىلارىنىڭ كەزەكتى سەزى, قازاقستان حالقى اسسامبلەياسىنىڭ 20 سەسسياسى سياقتى شارالار قىزىقتىردى. كەزدەسۋ اياسىندا ا.تورستىڭ استاناعا ىقتيمال ساپارى تالقىلاندى.
ەقىۇ كەڭسەسىنىڭ وكىلدەرى ەتنوسارالىق جانە كونفەسسياارالىق كەلىسىمنىڭ قازاقستاندىق ۇلگىسىن جوعارى باعالاپ, قازاقستان حالقى اسسامبلەياسى ينستيتۋتىنىڭ ەل حالقىن توپتاستىرۋداعى تاماشا ءرولىن اتاپ كورسەتتى. كەزدەسۋ قورىتىندىسى بويىنشا تاراپتار ۇلتارالىق جانە كونفەسسياارالىق كەلىسىمدى ەقىۇ كەڭىستىگىندە نىعايتا بەرۋ ءۇشىن ءوزارا ءىس-قيمىلدى ودان ءارى جالعاستىرۋ قاجەت دەگەن ورتاق ۇستانىمعا كەلدى.
