06 قاراشا، 2013

اقپاراتتار اعىنى

119 رەت كورسەتىلدى

قازاقستاننىڭ ۇزدىك ادىسكەرلەرى ەسىمدەرى بەلگىلى بولدى. الماتىداعى «عىلىم ورداسى» مەكەمەسىندە وتكەن سايىس قورىتىندىسى 3 كەزەڭنەن تۇرىپ، وعان 314 ءبىلىم بەرۋ ۇيىمدارىنان 331 ادىسكەر قاتىستى. ولاردىڭ اراسىنان 6 ۇستاز ۇزدىك اتاندى.

 

قازاقستاننىڭ ۇزدىك ادىسكەرلەرى ەسىمدەرى بەلگىلى بولدى. الماتىداعى «عىلىم ورداسى» مەكەمەسىندە وتكەن سايىس قورىتىندىسى 3 كەزەڭنەن تۇرىپ، وعان 314 ءبىلىم بەرۋ ۇيىمدارىنان 331 ادىسكەر قاتىستى. ولاردىڭ اراسىنان 6 ۇستاز ۇزدىك اتاندى.

استانادا زياندى زاتتاردىڭ 97 پايىزعا جۋىعى زارارسىزداندىرىلدى. ناتيجەسىندە قالا بويىنشا اتموسفەرالىق اۋاعا تۇراقتى كوزدەردەن 34،4 مىڭ توننا كولەمىندە زياندى زاتتار شىعارىلدى.

الماتى قالاسىندا «قايرات» فۋت­بول كلۋبىن ماراپاتتاۋ ءراسىمى ءوتتى. سەگىز جىلدان كەيىن قايتادان ۇزدىكتەر قاتا­رىنا قوسىلىپ، قولا مەدال العان كومان­دانى احمەتجان ەسىموۆ ارنايى بارىپ قۇتتىقتادى.

جامبىل وبلىستىق ءماسليحات دەپۋتاتتارى وبلىس بيۋدجەتىنىڭ 1 ملرد. تەڭگەسىن قايتا ءبولدى. سەسسياعا توراعالىق ەتكەن دەپۋتات گۇلدارا نۇرىموۆانىڭ ايتۋىنشا، تۇزەتۋلەر يگەرىلمەي قالۋ قاۋپى بار بيۋدجەتتىك باعدارلامالارعا قاتىستى جۇرگىزىلگەن.

وڭتۇستىك قازاقستان وبلىسىندا يندۋستريالاندىرۋ كارتاسى بويىنشا 447،9 ملرد. تەڭگەنى قۇرايتىن 150 جوبا قولعا الىندى. ولار 19 مىڭنان استام جاڭا جۇمىس ورنىن تاۋىپ بەرەدى. جالپى، بيىل ايماقتا قۇنى 41 ملرد. تەڭگە تۇراتىن 42 جوبانى جۇزەگە اسىرۋ مەجەلەنگەن. بۇل تاعى 3948 جاڭا جۇمىس قولىن كەرەك ەتەدى.

وسكەمەندەگى ءۇلبى وزەنىنىڭ ۇستىندە جاڭا كوپىر پايدا بولدى. جالپى قۇنى 2 008،4 ملن. تەڭگە تۇراتىن نىساننىڭ اشىلۋىنا ارنالعان سالتاناتتا وبلىس اكىمى بەردىبەك ساپارباەۆ الداعى ۋاقىتتا شىعىس قازاقستان وبلىسىنىڭ ورتالىعىندا تاعى ءبىر ۇلكەن وتكەل سالىناتىنىن اتاپ ءوتتى.

قىزىلوردادا بيىل 75 634 شارشى مەترلىك تۇرعىن ءۇي سالىندى. قالا اكىمى نۇرلىبەك نالىباەۆ جىل سوڭىنا دەيىن تاعى 130 جاس وتباسىنىڭ باسپانامەن قامتاماسىز ەتىلەتىنىن ايتتى.

پاۆلودار وبلىسىندا شاباق­تار­دى قۇتقارۋ اكتسياسى ءوتتى. وعان جەلەزين اۋدانى جاستار ەكولوگيالىق جاساعىنىڭ بەلسەندىلەرى مەن اۋداندىق ءماسليحات باستاماشى بولدى. وسىنىڭ ارقاسىندا القاپتاردان جينالىپ الىنعان سۋ مارجاندارى وزەنگە جىبەرىلدى.

 

«قازاقپارات»، «قازاقستان جاڭالىقتارى»، Bnews.kz، TengriNews، EgemenNews حابارلارى بويىنشا دايىندالدى.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار