اتىراۋدا "بەكىرە" جەدەل-پروفيلاكتيكالىق الدىن-الۋ شاراسى ءوتىپ جاتىر. پوليتسيا قىزمەتكەرلەرى اتالعان شارانى وتكىزۋ كەزىندە "اتىراۋ-ورال" تاس جولىندا تاسىمالداۋعا, زاڭسىز ساتۋعا تيىم سالىنعان بەكىرە بالىعى تيەلگەن "Toyota Land Cruiser" كولىگىن توقتاتتى.
"كولىكتەن 345 دانا بەكىرە تۇقىمداس بالىق پەن سالماعى 200 گرامم قاراۋىلدىرىق تابىلدى. وسىعان بايلانىستى كولىكتە بولعان باتىس قازاقستان وبلىسىنىڭ 28 جانە 29 جاستاعى ەكى تۇرعىنى ۇستالدى. ولار باعالى بەكىرە تۇقىمداس بالىقتى زاڭسىز جولمەن اتىراۋدان ورال قالاسىنا جەتكىزبەكشى بولعان. تاركىلەنگەن بەكىرە بالىقتارىنىڭ جالپى سالماعى 1 توننادان اسادى", دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
سوتقا دەيىنگى تەرگەپ-تەكسەرۋ قىلمىستىق كودەكستىڭ 339-بابىمەن (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) جۇرگىزىلىپ جاتىر.
باعالى بالىق قورىنا زاڭسىز قول سۇققان بقو-نىڭ ەكى تۇرعىنى قاماۋعا الىندى.
