ايماقتار • 23 قىركۇيەك، 2020

كوكشەتاۋلىق بالىقشى اندرونوۆ مادەنيەتىنە جاتاتىن كەراميكالىق بۇيىمدار تاۋىپ العان

11 رەت كورسەتىلدى

كوكشەتاۋلىق اۋەسقوي بالىقشى كاميل ۋسمانوۆتىڭ قارماعىنا مول ولجا ىلىكتى. بالىق ەمەس، باعالى زات. سوناۋ قولا داۋىرىندەگى اندرونوۆ مادەنيەتىنە جاتاتىن كەراميكالىق ىدىستاردىڭ سىنىقتارى، دەپ حابارلايدى Egemen.kz

وتكەن دەمالىس كۇندەرى اۋەسقوي بالىقشى وبلىس ورتالىعىنىڭ ىرگەسىندەگى شاعالالى سۋ  قويماسىنا بالىق اۋلاۋعا بارىپتى. سۋ قويماسىنىڭ جاعاسىندا وتىراتىن ورىن ىزدەپ جۇرگەن كەزىندە سۋ شايعان  توپىراق  وپىرىلىپ كەتسە كەرەك. ىرسيعان سۇيەكتەر شىعىپتى. بىلمەككە قۇمارلىق بويىن بيلەگەن بالىقشى قارماعىن تاستاي سالىپ، الگى جەردى قازىپ كورسە، اۋەلى ءتورت ءتىس تاپقان. ءوزى كورگەن ادامنىڭ نەمەسە جانۋاردىڭ تىستەرىندەي ەمەس، ءىرى تىستەر. سۋ قويماسىنىڭ وزەنگە قۇياتىن اڭعارىندا بيىك جار بار. ىندەتە ىزدەگەن بالىقشى ول جەردەن دە كەراميكالىق ىدىستاردىڭ سىنىقتارى مەن ۇساق مونشاق تاپقان.

ءبىر جاقسىسى، قۇندى ولجالاردى تاريحي-ولكەتانۋ مۋزەيىنە اكەلىپ تاپسىرىپتى. مۋزەي ماماندارى بالىقشىنىڭ قارماعىنا ىلىككەن كونە جادىگەرلەردى ساراپتاپ كورىپ، قول داۋىرىنە تيەسىلى دەپ پايىمداۋدا.

–كەراميكالىق ىدىستاردىڭ سىنىقتارىندا گەومەتريالىق ويۋلار بار. وسى بەلگىلەرىنە قاراپ، ءبىز بۇل بۇيىمداردى سوناۋ الاكول مادەنيەتىنە ءتان دەپ وتىرمىز. قولىمىزدا بار ارحەولوگيالىق ەسكەرتكىشتەردىڭ سيپاتتاماسىن قاراپ شىقتىق. ولاردىڭ ىشىندە مۇنداي جەرلەۋ ءراسىمى تىركەلمەگەن ەكەن. ءبىزدىڭ ويىمىزشا، توپىراقپەن جەرلەۋ راسىمىنە جاتادى. ويتكەنى، مۇردە ءۇستى كومىلمەگەن. قاسىندا قولا داۋىرگە ءتان تۇراق بولعان. شاماسى جاي ادام ەمەس، باقسى نەمەسە تايپا كوسەمى بولۋى ابدەن مۇمكىن. بيىك جاردىڭ ۇستىنە ەتەكتەگى ەلىن رۋحىمەن قورعاشتاپ ءجۇرسىن دەپ جەرلەگەن ءتارىزدى، دەيدى مۋزەي ديرەكتورى قۋانىش شاقشاشوۆ.

اۋەسقوي بالىقشىنىڭ قارماعىنا ىلىككەن قازىنا توڭىرەگىندە زەرتتەۋ جۇمىستارى جۇرگىزىلەتىن بولدى. بالكىم كونە داۋىردەن ەسەتىن كومەسكى لەپ ەرتەدەگىنىڭ ەلەسىن ايقىنداي تۇسەر.

 

كوكشەتاۋ قالاسى

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار