قوعام • 23 قىركۇيەك، 2020

تۇركىستاندىق جاستار تاريحي ورىنداردى رەستاۆراتسيالاۋعا كومەكتەسىپ جاتىر

176 رەت كورسەتىلدى

تۇركىستان وبلىسىنىڭ ەرىكتى جاستارى "وتىرار توبە" قالاشىعىندا رەستاۆراتسيا جۇمىستارىن وتكىزىپ، كونە قالانىڭ تاريحىمەن تىلدەسىپ قايتتى. وتىرار اۋدانىندا ورنالاسقان  "وتىرار توبەنىڭ" رەستاۆراتسيا جۇمىستارى جارتى جىلدان بەرى ءجۇرىپ جاتىر، وتكەن اپتادا تۇركىستاندىق 30 ۆولونتەر سونداعى ماماندارعا كىرپىش تاسۋ مەن تازالىق جۇمىستارىنا كومەكتەستى، دەپ حابارلايدى Egemen.kz.

"جاس ۇلان" بىرىڭعاي بالالار مەن جاسوسپىرىمدەر ۇيىمى جانە "Birgemiz: Asyl Mura" جالپىۇلتتىق جوباسى اياسىندا ءوتىپ جاتقان جوبانىڭ نەگىزى ماقساتى - مادەني-تاريحي مۇرانى ساقتاۋ جانە دامىتۋ، تاريح، مادەنيەت ەسكەرتكىشتەرى مەن مەموريالدىق كەشەندەردى قالپىنا كەلتىرۋ.

"وتىرار توبە" ءبىزدىڭ حالقىمىزدىڭ تاريحىن قويناۋىنا ساقتاپ جاتقان قاسيەتتى ورىن، ءارى ونىڭ حالقىمىزدىڭ تاريحىندا الاتىن ورنى ەرەكشە. تۇركىستان ءوڭىرىنىڭ ەرىكتىلەرىنىڭ "وتىرار توبەگە" بارۋى جاستاردىڭ ەل تاريحىنا، جەر تاريحىنا قىزىعاتىنىن كورسەتەدى. ەرىكتى جاستار جەردە تاريحتىڭ قويناۋىنا سۇڭگىپ، رۋحاني بايىپ كەلدى دەسەك تە بولادى. سونداي-اق، مۇنداي شارالار جاستاردى ەڭبەككە باۋلۋعا، تۇلعالىق قالىپتاسۋعا كوپ كومەگىن تيگىزەدى"، - دەيدى تۇركىستان وبلىسى قوعامدىق دامۋ باسقارماسى "جاستار رەسۋستىق ورتالىعى" باسشىسى امالبەك داركەن ۇلى.

"وتىرار توبە" قالاشىعىنا بارعان ۆولونتەرلەر تەك كومەك كورسەتىپ عانا قويماي، تاريحقا دەگەن قىزىعۋشىلىقتارى ارتىپ، بولاشاقتا وسى ورىنداردى تۋريستىك ايماقتار رەتىندە تانىتۋدى ماقسات تۇتادى.

ل

"وتىرار قاقپاسىنا جەتەر كەزدە الدىمىزدان شىققان اعانىڭ "تاريحتى كوزبەن كورىڭدەر" دەگەن ءسوزى بۇل مەكەنگە دەگەن قىزىعۋشىلىعىمىزدى ارتتىرا ءتۇستى. وڭتۇستىكتە تۇرسام دا، وتىرارعا العاش بارۋىم. تاريحتان وقىعان اڭگىمەلەر، سول زامانعى وقيعالار ەسىمە ءتۇسىپ، قالاشىقتى اينالا كورىپ شىقتىم. قانشاما عاسىر ساقتالعان كونە قۇمىرالار، بولمەلەر مەن وشاقتار ورنى مەنى سول زامانعا الىپ باردى"، - دەيدى جاس ۆولونتەر مادينا.

ر

قازىر تۇركىستان وبلىسىندا "Birgemiz: Asyl Mura" باعىتى بويىنشا 200-گە جۋىق ۆولونتەر بار. ول جاستار ەلىمىزدىڭ تاريحي-مادەني مۇراسىن ساقتاۋعا جانە كەلەشەك ۇرپاق اراسىندا ۆولونتەرلىككە قىزىعۋشىلىقتى ارتتىرۋعا ءوز ۇلەستەرىن تيگىزىپ جاتىر.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار