الەم • 22 قىركۇيەك، 2020

COVID-19: كارى قۇرلىقتى شەڭگەلىندە ۇستاپ تۇر

18 رەت كورسەتىلدى

پاريجدىكتەر يتالياعا تەست تاپسىرماي كىرمەيتىن بولدى. فرانتسيا ەو ەلدەرى اراسىندا كۆي تارالۋى جونىنەن الاڭداتارلىقتاي كۇيدە، دەپ حابارلايدى Egemen.kz

فرانتسۋزداردىڭ تەست تاپسىرماي يتاليا اۋماعىنا كىرگىزىلمەيتىنى تۋرالى قۇجاتقا يتاليا دەنساۋلىق ساقتاۋ ءمينيسترى روبەرتو سپەرانسا 21 قىرقۇيەكتە قول قويعان.

يتاليانىڭ كارى قۇرلىقتا پاندەميا ءاۋ باستان تىرناعىن قاتتى باتىرعان مەملەكەت ەكەنى بارشاعا ايان.  اۋرۋحانلاردا ورىن جەتپەي كوشەلەردە ۆيرۋس جۇقتىرعان جانداردىڭ ەم قابىلداعانى، كوپتەگەن يتاليالىقتاردىڭ ومىرمەن قوشتاسقانى بەلگىلى. سوندىقتان دا العاشقى سوققىدان ەسەڭگىرەپ قالعان يتاليالىقتاردىڭ بۇل قارەكەتىن تۇسىنۋگە بولادى. ءساۋىردىڭ سوڭىنان شىلدەنىڭ باسىنا دەيىن اۋرۋ سانى ازايىپ كەلگەن يتاليادا مىنە، ەكى ايدىڭ جۇزىنە تاياندى اۋرۋ تىركەلۋدىڭ ءوسۋى بايقالادى.  ال قايتىس بولعانداردىڭ اراسىندا جاستار مەن ورتا بۋىن وكىلدەرىنىڭ كوپ بولۋى دا جۇرتشىلىقتى الاڭداتىپ وتىر.

فرانتسياداعى COVID-19-عا قارسى ساقتىق شارالارىنىڭ كۇشەيگەنىنە قاراماستان مۇندا كۆي ءورشىپ بارادى. تەك كەشەنىڭ وزىندە 5298 ادام اۋرۋ جۇقتىرىپ، 827 پاتسيەنت اۋرۋحانالاردىڭ جانساقتاۋ بوىلىمدەرىندە جاتقان كورىنەدى.

وتكەن جولى "جەڭىلمەيتىن فرانتسيا" پارتياسىنىڭ سەركەسى جان-ليۋك مەلانشوننىڭ رەسمي ءپاريجدى ەكىنشى تولقىنمەن كۇرەسكە دايىن ەمەس، اۋرۋحانالاردا ورىندار جەتكىلىكسىز، مەديتسينا قىزمەتكەرلەرىنىڭ دە سانى از دەپ سىناعانىن جازعان ەدىك.

   

 

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار