باق وكىلدەرى اقش-تىڭ ارنايى قىزمەتى ۇزاق جىلدار بويى كورەيا رەسپۋبليكاسىنىڭ مەملەكەت باسشىسى مەن ەلشىلىگىنە قاتىستى ەلەكتروندى بارلاۋ ارەكەتتەرىن جۇرگىزدى دەگەن مالىمەت تاراتقان بولاتىن. وسىعان بايلانىستى سەۋل اقش تاراپىنان ماسەلەنىڭ ءمان-جايىن ءتۇسىندىرۋدى تالاپ ەتىپ وتىر. بۇل تۋرالى كورەيا رەسپۋبليكاسى ۇكىمەتى رەسمي وكىلىنىڭ اقپارىنا سىلتەمە جاساعان يتار-تاسس حابارلادى.
«نيۋ-يورك تايمس» گازەتىندە جاريالانعان اقپار بويىنشا, اقش ۇلتتىق قاۋىپسىزدىك اگەنتتىگىنىڭ 2007 جىلعى قۇجاتىندا وڭتۇستىك كورەيا «سيگينت» وپەراتسياسى اياسىندا تىڭداۋ جۇرگىزىلەتىن نەگىزگى نىسانداردىڭ ءبىرى رەتىندە كورسەتىلگەن. اگەنتتىكتى نەگىزىنەن وڭتۇستىك كورەيانىڭ سىرتقى ساياساتى مەن شەتەلدىك جانە قارسى بارلاۋ سالالارى قىزىقتىرعان كورىنەدى.
باق وكىلدەرى اقش ۇلتتىق قاۋىپسىزدىك اگەنتتىگىنىڭ 38 شەتەل ەلشىلىگىنىڭ تەلەفوندارىن تىڭداپ, 35 ەلدىڭ باسشىلارىنا قاتىستى ەلەكتروندىق بارلاۋ ارەكەتتەرىن جۇرگىزگەندەرىن مالىمدەدى.
ايدار ورىسباەۆ.
