ايماقتار • 20 قىركۇيەك، 2020

تۇركىستاندا ساتتار ەرۋباەۆ اتىنداعى شىعارماشىل جاستار بايقاۋى ءوتتى

23 رەت كورسەتىلدى

تۇركىستان قالاسىندا وبلىستىق  ساتتار ەرۋباەۆ اتىنداعى شىعارماشىل جاستار بايقاۋى ءوتتى. وبلىستىڭ 16 اۋدان-قالاسىنان جينالعان 14 پەن 28 جاس ارالىعىنداعى دارىندى جاستار سىنعا ءتۇسىپ، ۇزدىكتەرى انىقتالدى، دەپ حابارلايدى Egemen.kz

«جاستار رەسۋرستىق ورتالىعى»  ۇيىمداستىرعان بايقاۋعا قاتىسۋشىلار  «جاس قولونەر شەبەرى»، «جاس كوركەمسوز وقۋ شەبەرى»، «جاس ءمۇسىنشى»،  «جاس ءانشى»، «جاس ديزاينەر»،  «جاس ايتىسكەر اقىن»،  «جاس عالىم»،  «جاس سپورتشى» سىندى 8 نوميناتسيا بويىنشا ءوزارا سايىسقا ءتۇستى. ونىڭ ىشىندە «جاس كوركەمسوز وقۋ شەبەرى»، «جاس ءانشى» جانە «جاس ايتىسكەر اقىن» نوميناتسيالارى بويىنشا سايىستار وفلاين، قالعاندارى ونلاين تۇردە  وتكىزىلدى. ادىلقازىلاردىڭ ايتۋىنشا، ونلاين فورماتتاعى بايقاۋلار  قاتىسۋشىلاردى ءادىل باعالاۋ مەن ولاردى مۇقيات سارالاۋعا مۇمكىندىك بەرگەن.

بايقاۋدىڭ سالتاناتتى اشىلۋ راسىمىندە NurOtan پارتياسى تۇركىستان وبلىسى فيليالى توراعاسىنىڭ ءبىرىنشى ورىنباسارى بەيسەن تاجىباەۆ  قازىرگى جاستاردىڭ باستاماشىلدىعى مەن بەلسەندىلىگىنە ريزاشىلىعىن ءبىلدىردى.«تۇركiستان توپىراعى ەش ۋاقىتتا دارىندى تۇلعالاردان كەندە بولعان ەمەس. سونداي ۇلداردىڭ بiرi – ساتتار ەرۋباەۆ ەكەنى ءسوزسىز.  ول ءوزىنىڭ نەبارى 23 جىل جاساعان قىسقا عۇمىرىندا قازاق  حالقىنا، سونىڭ ىشىندە جاستارعا رۋحاني ازىق، كۇش بەرەتiن ەڭبەك قالدىرا بىلگەن تۇلعا. سونىڭ ىشىندە «مەنiڭ قۇرداستارىم» رومانى ادەبيەتسۇيەر قاۋىمنىڭ iزدەپ ءجۇرiپ وقيتىن تۋىندىسىنا اينالدى. وسىنداي تۇلعانىڭ ءتۇبى ءبىر  تۇركى جۇرتىنىڭ ءتورى سانالاتىن تۇركiستاندا تۋىلعانىن ماقتان تۇتۋىمىز كەرەك»، دەدى بەيسەن تاجىباەۆ.  ال «جاستار رەسۋرستىق ورتالىعىنىڭ» باسشىسى امالبەك ءومىرتاي مۇنداي بايقاۋلار جاستاردىڭ شىعارماشىلىق قابىلەتىن وياتۋعا جول اشادى  جانە تالانتتى جاستاردى انىقتاۋعا كوپ سەپتىگىن تيگىزەتىنىن ايتىپ ءوتتى. 

بايقاۋ قورىتىندىسى بويىنشا جەڭىمپازدارعا ارنايى العىس حاتتار مەن سىيلىقتار تابىس ەتىلدى.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

ۇقساس جاڭالىقتار