قوعام • 19 قىركۇيەك، 2020

تاجىريبەلى ماماندار دايارلاۋعا كۇش سالۋىمىز كەرەك - ايدا بالاەۆا

53 رەت كورسەتىلدى

اقپارات جانە قوعامدىق دامۋ ءمينيسترى "بالاەۆاعا 3 سۇراق" باعدارلاماسىندا جۋرناليستەردىڭ كاسىبي بىلىكتىلىگىن ارتتىرۋ ماسەلەسىن ءسوز ەتتى، دەپ حابارلايدى Egemen.kz.

"اقپارات قۇرالدارى ادام تاربيەلەيدى. ولار قوعام مەن بيلىك اراسىنداعى دانەكەر. ءبىز ەڭ باستىسى تاجىريبەلى ماماندار دايارلاۋعا كۇش سالۋىمىز كەرەك. سوندىقتان جۋرناليستيكا ماماندارىن دايارلايتىن جوعارى وقۋ ورىندارىنىڭ وقۋ قۇرالدارى مەن وقۋ باعدارلامالارىن قايتا قاراعان ءجون. ولاردىڭ قازىرگى زامانعا سايكەستىگىن سارالاۋ كەزەك كۇتتىرمەيتىن ماسەلە»، دەدى ا.بالاەۆا.

بۇدان سوڭ، مينيستر سالالىق جۋرناليستيكانى دامىتۋعا كۇش سالۋ كەرەكتىگىن ايتتى.

ء"بىز پاندەميا كەزىندە مەديتسينا سالاسىندا سالالىق جۋرناليستەردىڭ جوقىتىعىن بايقادىق. تەك قانا مەديتسينا سالاسىندا عانا ەمەس، اۋىل شارۋاشىلىعى، ەكونوميكا جانە تاعى دا باسقا سالالاردا جۋرناليستەر دايىنداۋىمىز قاجەت"، دەدى ول.

سونداي-اق ول جۋرناليستەردىڭ كاسىبي بىلىكتىلىگىن ارتتىرۋ ماسەلەسىنە توقتالدى.

"جۋرناليستەردىڭ بىلىكتىلىگىن ارتتىرۋ ماقساتىندا شەتەلدىك مەديا مەكتەپتەرمەن ارىپتەستىك ورناتتىق. جۋرناليستەردىڭ بىلىكتىلىگىن ارتتىرۋ ماڭىزدى. ويتكەنى قازىر "جۋرناليستەر پرەسس-رەليزدەن ارى شىعا الماي جاتىر" دەگەن سىندار ايتىلىپ ءجۇر. سوندىقتان ءبىز ساراپتاما جاساي الاتىن، جالپى بىلىكتىلىگى مەن ءبىلىمى مىقتى جۋرناليستەر دۇنيەگە كەلۋىنە جاعداي جاساۋىمىز كەرەك"، دەدى مينيستر.

سوڭعى جاڭالىقتار

ەلورداعا قارجى قۇيۋعا نيەتتى

ەلوردا • بۇگىن، 16:50

29-31 قازان كۇندەرى كۇن جىلىنادى

اۋا رايى • بۇگىن، 12:40

قانداستار ماسەلەسى تالقىلاندى

ساياسات • بۇگىن، 08:12

كوشە كامەراسىنىڭ كومەگى

ايماقتار • بۇگىن، 07:57

ۇقساس جاڭالىقتار