قوعام • 19 قىركۇيەك، 2020

قورعانىس مينيسترلىگى وقۋ ورىندارىنىڭ كۋرسانتتارى انت قابىلدادى

18 رەت كورسەتىلدى

قورعانىس مينيسترلىگى اسكەري وقۋ ورىندارىنىڭ كۋرسانتتارى مەن كادەتتەرى وتانىنا ادال بولۋعا انت بەردى. سالتاناتتى ءراسىم بۇگىن الماتى، اقتوبە جانە ششۋچينسك قالالارىندا ءوتتى، دەپ حابارلايدى Egemen.kz.

قۇرلىق اسكەرلەرىنىڭ اسكەري ينستيتۋتىندا 270-تەن استام، اۋە قورعانىسى كۇشتەرىنىڭ اسكەري ينستيتۋتىندا 90-نان استام كۋرسانت انت قابىلدادى. سونىمەن قاتار، قر قم كادەت كورپۋسىندا 240-تان  استام كادەت وتانىنا ادال بولۋعا انت بەردى.

 «اسكەري انت ماتىنىندەگى ءاربىر ءسوز تەرەڭ ماعىناعا يە. ءاربىر كۋرسانت ءوزىنىڭ اسكەري مىندەتىن ورىنداي وتىرىپ، ءوز ءومىربايانىنا اسكەري ومىرگە جاساعان قادامىن  جازىپ، ازاماتتىق جانە ادامگەرشىلىك جەتىلۋ سىناعىن وتكىزەدى»، – دەدى ءبىرىنشى كۋرس ستۋدەنتتەرىنە قۇرلىق اسكەرلەرى اسكەري ينستيتۋتىنىڭ باستىعى گەنەرال-مايور دۋلات ادىربەكوۆ.

كۋرسانتتار مەن كادەتتەر بۇل كۇندى ماڭگى ەستە ساقتايتىنى انىق. بۇگىن ولار  اسكەري جولعا ءتۇسىپ، وتان قورعاۋ ءۇشىن جوعارى مىندەتتەمەلەر الدى.

 «اسكەري انت – ەڭ الدىمەن، قاسىق قانى قالعانشا ءوز وتانىن قورعاۋعا دايىن بولۋ. ەندى سىزدەردىڭ بارلىق ارەكەتتەرىڭىز ءوز قولدارىڭىزبەن بەكىتىلگەن سالتاناتتى انت تالاپتارىنا سايكەس بولۋ كەرەك»،-دەدى ءوز سوزىندە اۋە قورعانىسى كۇشتەرى اسكەري ينستيتۋتىنىڭ باستىعى اۆياتسيا گەنەرال-مايورى داۋرەن قوسانوۆ.

سالتاناتتى ءىس-شارالار سانيتارلىق-گيگيەنالىق نورمالاردى ساقتاۋ ماقساتىندا قوناقتاردىڭ قاتىسۋىنسىز ءوتتى. كۋرسانتتاردىڭ اتا-انالارى ءوز ۇلدارىنىڭ ومىرىندەگى ماڭىزدى وقيعانى وقۋ ورىندارى مەن الەۋمەتتىك جەلىلەردەگى رەسمي عالامتور-رەسۋرستارى ارقىلى ونلاين رەجيمدە باقىلادى.

اسكەري وقۋ ورنىنا قابىلدانعان ساتتەن باستاپ انت قابىلداعانعا دەيىن كۋرسانتتار مەن كادەتتەر باستاپقى اسكەري دايىندىق كۋرسىنان وتكەنىن اتاپ وتكەن ءجون. ءبىر اي ۋاقىت ارالىعىندا ولار جالپىاسكەري جارعىلاردى زەردەلەدى. سونداي-اق ساپتىق، فيزيكالىق جانە اتىس دايارلىعىنان ءوتتى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار