قوعام • 19 قىركۇيەك، 2020

“الماتى ىنتىماقتاستىعى” كورمەسى دارىگەرلەرگە ارنالدى

8 رەت كورسەتىلدى

الماتى قالاسىنىڭ اكىمدىگى قالا كۇنىن مەرەكەلەۋ اياسىندا پاندەميا كەزىندە كوروناۆيرۋسپەن كۇرەستە الدىڭعى قاتاردان كورىنگەن دارىگەرلەردىڭ ەڭبەگى مەن ەرلىگىنە دەگەن العىس پەن قۇرمەت رەتىندە "الماتى ىنتىماقتاستىعى" كورمەسىن ۇيىمداستىردى، دەپ حابارلايدى Egemen.kz.

الماتىلىقتار مەترو ستانتسيالارى مەن LED-ەكراندارداعى بيلبوردتاردان اق حالاتتى باتىرلاردى كورە الادى.

ن

فوتوسەسسياعا №29 قالالىق ەمحاناسىنىڭ، الماتى قالالىق جەدەل مەديتسينالىق جاردەم قىزمەتىنىڭ، № 1 قالالىق كلينيكالىق اۋرۋحاناسىنىڭ، شجق «ورتالىق قالالىق كلينيكالىق اۋرۋحانا» مكك، №17 قالالىق ەمحاناسىنىڭ، ي.س. جاكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ جانە قالالىق بالالار جۇقپالى اۋرۋلار اۋرۋحاناسىنىڭ 100-دەن استام مەديتسينا قىزمەتكەرلەرى قاتىستى.

پ
«وزىمنەن جانە ءوز ارىپتەستەرىمنەن فوتوسەسسياعا شاقىرعانى ءۇشىن ۇلكەن العىسىمدى بىلدىرگىم كەلەدى. ناۋرىز ايىنان بەرى كورمەگەن كوپتەگەن ارىپتەستەرىمىزدى كوردىك. تاجىريبە الماسىپ، ءبىر تۋعانداي اڭگىمەلەسە الدىق. كوڭىل-كۇيدى كوتەرىپ، ەسىكتەردىڭ ارعى جاعىندا نە بولىپ جاتقانىن ۇمىتاتىن وسىنداي ءىس-شارالار كوبىرەك بولسا ەكەن»، - دەپ ءبولىستى «مقكك» شجق مكك باس مەدبيكەسى 
گۇلميرا ابدۋللاەۆا.

كورمەدە قيىن ۋاقىتتا ازاماتتاردىڭ دەنساۋلىعى ءۇشىن كۇرەسكەندەردىڭ ءبىر بولىگى عانا كورىندى.

سوڭعى جاڭالىقتار

ۇقساس جاڭالىقتار