"قولايسىز وتباسىلارداعى قيىن جاسوسپىرىمدەرمەن بىرگە, اۋقاتتى وتباسىلاردىڭ بالالارى دا قاشادى. تاجىريبە كورسەتكەندەي, ولار كوبىنەسە قىزدىڭ اتا-اناسىمەن بولعان جانجالدىڭ سالدارىنان ۇيدەن قاشىپ كەتەدى. جۋىردا ەكىباستۇز قالاسىنىڭ پوليتسياسىنا 12 جاسار قىزدىڭ اناسى جۇگىندى. 16 قىركۇيەك كۇنى ساعات 03:00-دەن 12:00-گە دەيىن كامەلەتكە تولماعان قىزى ۇيدەن كەتىپ, قايدا ەكەندىگى ءالى بەلگىسىز دەپ حابارلادى. ەكىباستۇز قالاسىنىڭ بارلىق كەشەندى پوليتسيا كۇشتەرى دەرەۋ تارتىلىپ, ايماقتىق دەپارتامەنتتىڭ جەكە قۇرامى ىزدەستىرۋگە جۇمىلدىرىلدى. ىزدەۋ جۇمىستارىنا "لەگيون 14" جانە "ۆيتا" ەرىكتى ۆولونتەرلىك ۇيىمدارى, سونداي-اق جۇرتشىلىق قاتىستى", دەدى ءباسپاسوز قىزمەتىندە.
دەپارتامەنتتىڭ حابارالۋىنشا, قابىلدانعان جەدەل شارالاردىڭ ناتيجەسىندە ءدال سول كۇنى كامەلەتكە تولماعان بالا اجەسىنىڭ جانىنان تابىلىپ, قورقىپ كەتكەن اتا-اناسىنا قايتارىلدى. بەلگىلى بولعانداي, كامەلەتكە تولماعان بالا شاشتى بوياۋعا تىيىم سالعان اناسىمەن جانجالدان كەيىن ادەيى ۇيدەن كەتىپ قالعان.
