قوعام • 18 قىركۇيەك، 2020

"وتانداستار قورى" تۇركيادا تۇراتىن ەتنيكالىق قازاقتاردىڭ قاتىسۋىمەن ونلاين-فورۋم ۇيىمداستىردى

15 رەت كورسەتىلدى

"وتانداستار قورى" تۇركيادا تۇراتىن ەتنيكالىق قازاقتاردىڭ قاتىسۋىمەن "قانداستار فورۋمى" اتتى ونلاين ۆيدەوكونفەرەنتسيا ۇيىمداستىردى، دەپ حابارلايدى Egemen.kz.

ءىس-شاراعا قر سىرتقى ىستەر مينيسترلىگىنىڭ قازاق دياسپوراسىمەن جۇمىس جۇرگىزۋ باسقارماسىنىڭ باسشىسى مۇحتار كارىباي، قر ساۋدا جانە ينتەگراتسيا مينيسترلىگىنىڭ حالىقارالىق ىنتىماقتاستىق دەپارتامەنتى ديرەكتورىنىڭ ورىنباسارى جالعاس بالعوجين جانە "KazakhInvest" ۇك" اق باسقارما توراعاسىنىڭ كەڭەسشىسى مارات ەسەنوۆ، سونداي-اق "KazakhInvest" ۇك" اق-نىڭ تۇركياداعى وكىلى نۇرلان احمەتوۆ قاتىسىپ، تۇركيادا تۇراتىن قانداستارمەن ۇلكەن ديالوگ الاڭى قۇرىلدى.

شەتەلدەگى قانداستارمەن بايلانىس ورناتقان ونلاين كەزدەسۋ بارسىندا تۇركياداعى قازاقتاردىڭ ماسەلەسى تالقىلانىپ، بيزنەس سالاسىنداعى جوبالارى مەن جوسپارلار ايتىلىپ، ەكى ەل اراسىندا ءوزارا ىنتىماقتاستىق ورناتۋ بويىنشا ۇسىنىستار ايتىلدى.

ايتا كەتەيىك، ءىس-شارا ناتيجەسىندە "KazakhInvest" ۇك" اق-نىڭ تۇركياداعى وكىلى نۇرلان احمەتوۆپەن قازاقستانعا ينۆەستيتسيا تارتۋ سۇراقتارى بويىنشا ستامبۋل قالاسىنان ەرول يولچى، ەرتولقىن گايراتۋللا جانە انتاليا قالاسىنان اقمارال گابديەۆا تۇركيادا تۇراتىن ءىرى كاسىپكەرلەردى بايلانىستىرۋ جۇمىستارىن ىسكە اسىراتىن بولادى. سونىمەن قاتار ەرتولقىن گايراتۋللا مىرزانىڭ ستامبۋل جانە انكارا قالالارىندا "قازاقتاردىڭ مادەني-ىسكەرلىك ورتالىعىن" اشۋ تۋرالى ۇسىنىسى قولداۋ تاۋىپ، جيىننىڭ حاتتاماسىن نەگىزىندە قر سىرتقى ىستەر مينيسترلىگىنە حات جولداناتىن بولادى.

"وتانداستار قورىنىڭ" قازاقستان رەسپۋبليكاسىنداعى بيزنەستى قولداۋ باعىتىندا جۇمىس اتقاراتىن بارلىق وپەراتورلارمەن بايلانىس ورناتقانىن جانە ەلىمىزگە كەلىپ كاسىپكەرلىكپەن اينالىسقىسى كەلەتىن قانداستارعا بيزنەستى قولداۋ تەتىكتەرىن ۇيىمداستىرۋ ءۇشىن دانەكەر بولۋعا دايىن"، - دەدى جيىن بارىسىندا قانداستاردى قولداۋ دەپارتامەنتىنىڭ وكىلى اناس احات ۇلى.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار